INI-p inissiaataani attartortittakkami uumasuuteqarneq – Qinnuteqarneq

INI-p inissiaataani attartortittakkami uumasuuteqarneq – Qinnuteqarneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq, INI-p inissiamut tunngasut nalinginnaasut isumagisarpai, assersuutigalugu Namminersorlutik Oqartussat aamma kommunit sinnerlugit uumasuuteqarnermut maleruagassanik atuutsitsineq.

Qimmiuteqarniaruit imaluunniit qitsuuteqarniaruit kommunimiit akuerissummik peqaqqaartariaqarputit. Matuma kingorna illit inissiami attartukkanni qimmiuteqarsinnaanerlutit imaluunniit qitsuuteqarsinnaanerlutit INI-mut qinnuteqaatigissavat. INI-p qimmiuteqarsinnaanerit qitsuuteqarsinnaanerilluunniit akuerisinnaavaa, illit:
  • Illumi imaluunniit illumi affarleriimmi najugaqaruit
  • Uiulukutsuni imaluunniit illumi quleriimmi najugaqaruit aamma politiit qimmiat imaluunniit tappiitsut qimmiat pineqarpat
  • Kommunimit akuersissummik peqaruit

Qimmiuteqarnissat imaluunniit qitsuuteqarnissat INI-p akuerippagu, immikkut ittumik inissamut attartornermut sillimmasiissut qaammatinik pingasunik naleqartoq akiliutigissavat.


Qinnuteqarneq
Akuersissummik qinnuteqarniaruit qinnuteqaammik allaganngukkamik sanassaatit, taassumalu imarissavai:
  • Qimmiuteqarnissamut imaluunniit qitsuuteqarnissamut kommunip akuersissutaata nuutinnera
  • Ateq, najugaq kiisalu inuup normua

Illit najukkanni INI-p allaffeqarfianut qinnuteqaatit nassiulluguluunniit tunniussinnaavat.


Malugiuk
Eqqumaffigissavat akuersissut uumasuutigineqartumut pineqartumut taamaallaat atuummat. Qimmimik imaluunniit qitsummik allamik pisaarniaruit, taamaalillutit akuersissummik nutaamik qinnuteqassaatit.

Akuersissummik peqarnak qimmiuteqaruit imaluunniit qitsuuteqaruit, ileqqoreqqusatut maleruagassanik tamanna unioqqutitsineruvoq, tamannalu inimik attartornivit atorunnaarsinneqarneranik kinguneqarsinnaavoq. Siullertut aarlerisaarummik nassinneqassaatit. Matuma kingorna qimmiutit imaluunniit qitsuutit pigiunnaanngikkukku imaluunniit akuerissummik pissarsinissat isumagalugu, illit inimik attartornerit atorunnaarsinneqassaaq.


Uumasuutit allat
Aalisagaaraateqarsinnaavutit, timmiaateqarsinnaavutit aamma kikkaasuuteqarsinnaavutit puulerlugu kiisalu saaniluuteqarsinnaallutit. Taakkununnga taamaalillutit akuersissummik qinnuteqartariaqanngilatit.
INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl