Oquk

Nalinginnaasumik paasissutissiineq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu illut pigisat oqummik peqalinnginnissaannik isumaginninneq.

INI-mi attartortutut najugaqaruit inissiarisannilu oqoqartoq pasitsaateqqallugu, tamanna INI-mut nalunaarutigissavat. Taama iliorsinnaavutit periutsit pingasut atorlugit:
INI-p nittartagaani qarasaasiakkoortumik nalunaaruteqarnermut immersuiffissaq immersorlugu, oqoqarsinnaaneranik pasitsaassaqarnerit nalunaarutigalugu
• Aamma INI-mut sianersinnaavutit atuisunut siunnersuisartumik oqaloqateqarlutit naapinnissamillu isumaqatigiissusiorlusi
• Najukkanni INI-p allaffeqarfiani immersuiffissaq immersorsinnaavat atuisunullu siunnersuisartumut tunniullugu

Oquk pillugu nalunaarusiorneq

Nalunaaruteqarnerit INI-p tigoreeruniuk inissiami sumiiffik oqoqarsinnaaneranik pasitsaallugu isumaqarfigisat, nakkutilliisup misissugassamik tigusiffigiartorlugu alakkaaffigissavaatit. Ilutigisaanik oquk qanoq siaruarsimatiginersoq nakkutilliisup nalilersussavaa.

Pisariaqarpat oquk pillugu immikkut ilisimasalinnut misissugassaq INI-p nassiussinnaavaa. Immikkut ilisimasallip takusinnaavaa oquk sorliunersoq illit inissiarisanniinnersoq aammalu oquk taanna ulorianartuunersoq.

Akissut nakkutilliisumit sapaatit akunnerit pingasut sisamalluunniit qaangiunneranni tiguneqassaaq. Akissummi paasissutissiissutigineqartarpoq misissugaq ilumut oqoqarneranik takutitsinersoq takutitsinnginnersorluunniit. Akissummittaaq allaqqasarpoq, illit inissianni oquk sorliunersoq aamma ulorianartuunersoq. Akissut paasineqariarpat nakkutilliisup nalussanngilaa qanoq pisoqassanersoq.

Matuma kingorna suliarinninneq innersuussutaasoq nakkutilliisup aallartissavaa. Suliarinninneq assersuutigalugu makku atorlugit ingerlanneqarsinnaavoq:
• Klorin atorlugu asaaneq
• Sanaartornermi atorneqarsimasunik taarsersuineq
• Illumik ingutserineq
INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl