INI-mi ineqartut oqartussaaqataanerat – Immikkoortortaqarfimmi siulersuisut

INI-mi ineqartut oqartussaaqataanerat – Immikkoortortaqarfimmi siulersuisut 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai. Taamaattoq INI-mi attartortutut ineqartut immikkoortortaqarfigisannut aamma nammineerlutit sunniuteqarniartussaavutit. Tamanna ineqartut oqartussaaqataanerannik taaneqartarpoq.

INI-p inissiaatai attartortittakkat tamakkerlutik ineqarfittut immikkoortortaqarfinnut agguataagaapput, tamarmik immikkoortortaqarfimmi siulersuisoqartunik. Immikkoortortaqarfimmi siulersuisut immikkoortortaqarfiup ingerlatsinermut missingersuutaa aamma ukiumoortumik naatsorsuutai, taakku illuummik piginnittumit akuerineqartinnagit, misissuataarsinnaallugillu oqaaseqarfigisinnaavaat.

Ingerlatsinermut missingersuutip killiliussaasa iluanni immikkoortortaqarfimmi siulersuisut siunnersuuteqarsinnaapput, assersuutigalugu makkununnga:
  • Aserfallatsaaliineq
  • Nutarterineq
  • Ataatsimoorussamik iniutit atorneqarneri ingerlanneqarnerilu
  • Sunngiffimmi sammineqarsinnaasunik pilersitsineq

Ineqarfittut immikkoortortaqarfimmi ineqartut ukiumoortumik nalinginnaasumik ataatsimiinnermi immikkoortortaqarfimmi siulersuisunik qinersisarput
  • Ineqarfittut immikkoortortaqarfimmi 500 tikillugit inissiartalimmi, siulittaasoq ataaseq aamma siulersuisunut ilaasortat marluk qinerneqassapput
  • Ineqarfittut immikkoortortaqarfimmi 500 sinnerlugit inissiartalimmi, ilaasortat allat marluk qinerneqarsinnaapput
  • Tamatuma saniatigut siulittaasup aamma siulersuisunut ilaasortat sinniisussaannik, tamanna pisinnaappat, qinersisoqassaaq

Siulittaasoq imaluunniit siulersuisunut ilaasortat siulersuisuni issianerminnut akissarsianik pissarsisassanngillat.


Malugiuk
Siulersuisut ataatsimiinnerini INI-mit sinniisuutitamik peqataasoqakkajussinnaavoq.

Immikkoortortaqarfimmi siulersuisut pikkorsissarnissaannut aamma ataatsimeersuartarnissaannut sapinngisamik INI ikiuukkumavoq.
INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl