INI-mi ineqartut oqartussaaqataanerat – Immikkoortortaqarfimmi siulersuisut suliassaat

INI-mi ineqartut oqartussaaqataanerat – Immikkoortortaqarfimmi siulersuisut suliassaat 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai. Taamaattoq INI-mi attartortutut ineqartut immikkoortortaqarfigisannut aamma nammineerlutit sunniuteqarniartussaavutit. Tamanna ineqartut oqartussaaqataanerannik taaneqartarpoq.

INI-ip inissiat attartortittagai tamakkerlutik ineqartut immikkoortortaqarfiinut agguataagaapput, tamarmik immikkoortortaqarfimmi siulersuisoqartunik. Immikkoortortaqarfiit siulersuisuisa suliassaraat, immikkoortortaqarfimmi ineqartut immikkoortortaqarfimmi ataatsimiinnermi saqqummiussimasaat kissaatit INI-mut oqaluttuarisassallugit. Immikkoortortaqarfiit ataatsimiinnerini oqaluuserineqarsinnaapput assersuutigalugu:
  • Aserfallatsaaliinissat aamma ineqarfittut immikkoortortaqarfimmut tunngatillugu teknikkikkut apeqqutit
  • Ineqarfittut immikkoortortaqarfiup aningaasaqarnera aamma ineqartut aningaasaataat pillugit apeqqutit
  • Immikkoortortaqarfimmi siulersuisut pikkorissarneri assigisaallu
  • Ileqqorissaarnissamut maleruagassanut ilassutaasinnaasunik suliaqarneq

Immikkoortortaqarfimmi siulersuisut ataatsimiinnermit imaqarniliornissaq akisussaaffigaat. INI-ip immikkoortortaqarfimmi najugaqartunut atatillugu atortussat allannissaannut, nutsernissaannut, naqiternissaannut aamma agguaannissaannut ikiuussinnaavoq.


Immikkoortortaqarfimmi siulersuisut malitassaat tallimat
Immikkoortortami siulersuisunut ilaasortat tunngaviit tallimaasut aallaavigalugit sulissapput:
  1. Aalajangiisassallutit pilersaarusiussallutillu qinigaavutit – aqutsinissamuunngitsoq. INI tassaavoq aqutsisuusoq
  2. Ineqartunut tamanut aamma avataaniit nuuttunut sinniisuussallutit qinigaavutit. Ineqartut tamakkerlutik soqutigisaat isumagissavatit
  3. Ineqartut INI-mut attaveqarnermut illit aqqutigisussaavaatsit
  4. Immikkoortortaqarfimmi sammisassanik aallarnisaasutut atuutissaatit. Imaanngilarli suliassat naammassisariaqartut nammineq suliarissagitit. Suliassat ineqartunut soqutiginnittunut allanut suliassiissutigineqarsinnaapput
  5. Ineqartut allat isumaat ilisimassavatit takutillugulu illit pigisattulli naleqartigitikkitit aamma immikkoortortaqarfimmi siulersuisuni issiagaluarlutit

Tunngaviit tallimat taakku siunertaraat, ineqartut oqartussaaqataanerat qulakkiissallugu.


Malugiuk
Ineqartut immikkoortortaqarfiat tamarmik aningaasanik atugassinneqalaartarmata. Taakku immikkoortortaqarfiup aningaasaatigai, taamaammallu aningaasat sumut atorneqarnissaat pillugu immikkoortortaqarfiup ataatsimiinnerani illit eqqaamiutillu siunnersuuteqarlusilu aalajangiisinnaavusi. Ineqartut aningaasaataat pillugit missingersuummik suliaqarnissaq immikkoortortaqarfiup siulersuisuisa akisussaaffigaat. Missingersuutit illit najukkanni INI-mut akuerineqartussanngorlugit tunniunneqassapput.
A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl