INI-p inissianut attartortikkanut inissiamik qularnaatsumik atugassaqartitsisinnaaneq – Nalinginnaasumik paasissutissiineq aamma qinnuteqarneq

INI-p inissianut attartortikkanut inissiamik qularnaatsumik atugassaqartitsisinnaaneq – Nalinginnaasumik paasissutissiineq aamma qinnuteqarneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu inissiamik qularnaatsumik atugassaqartitsisinnaaneq.

Nammineq inissiarisamiit sivisunerusumik peqanngittussaanermut patsisit pitsaasut amerlasuujusinnaapput. Assersuutigalugu patsisaasinnaavoq ilinniarneq napparsimanerluunniit. Inissiamut atunngisannut aningaasartuutit amerlasinnaasarmata, peqannginnivit nalaani inissiamik qularnaatsumik atugassaqartitsisinnaaneq pissarsiarisinnaavat. Tamatuma kingunerisaanik attartornerit atorunnaarsissinnaavat, paarlattuanik uteruit inissiamik allamik pisinnaanissannut pisinnaatitaassaatit.

Sivikinnerpaamik qaammatinut pingasunut sivisunerpaamillu ukiumut ataatsimut atuuttumik inissiami qularnaatsumik atugassaqartitsisinnaaneq pisinnaavat.


Qinnuteqarneq
Inissiamik qularnaatsumik atugassaqartitsisinnaaneq piumagukku, immersugassaq immersusssavat atsiorlugulu:

Inissiamik qularnaatsumik atugassaqartitsisinnaanermut qinnuteqarneq

Illit inigisanniit nuunnissat kingusinnerpaamik qaammammik ataatsimik sioqqullugu qinnuteqaat najukkanni INI-p allaffeqarfianut nassiutissavat tunniulluguluunniit.

Inissiamik qularnaatsumik atugassaqartitsisinnaaneq qinnuteqaatigisimagukku, taakku allattorsimaffiannut allanneqassaatit. Inissiamik qularnaatsumik atugassaqartitsisinnaanermut allattorsimaffimmi allatsinneq ukiumut 100 kr.-imik akeqarpoq.


Inissiamik qularnaatsumik atugassaqartitsisinnaanerup sivitsornera
Nalinginnaasumik aallaavittut isigalugu sivisunerpaamik ukioq ataaseq inissiamik qularnaatsumik atugassaqartitsisinnaaneq pissarsiarisinnaavat. Taamaattoq tamanna sivitsorsinnaavat, peqannginnerit patsiseqarpat:
  • Ilinniarnermik
  • Napparsimanermik
  • Utaqqiisaasumik nuutsitaagallarsimanermik
  • Pineqaatissinneqarsimasunut inissiisarfimmiinnermik

Inissiamik qularnaatsumik atugassaqartitsisinnaaneq pigisat sivitsorumagukku, tamanna uppernarsarneqassaaq. Taama iliussaatit
  • Sooq peqannginnerit pillugu uppernarsaat najukkanni INI-p allaffeqarfianut nassiullugu
  • Aamma uppernarsaanermut akiliutissamik akiliinikkut

Malugiuk
Inissiamik neqeroorfigineqaqqinnissat kissaatigigukku kingusinnerpaamik qaammatinik pingasunik sioqqutsillutit tamanna INI-mut allaganngorlugu nalunaarutigissavat.
A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl