INI-p inissiaataanik attartortittakkanik allannguineq aamma pitsanngorsaaneq – Nalinginnaasumik paasissutissiineq

INI-p inissiaataanik attartortittakkanik allannguineq aamma pitsanngorsaaneq – Nalinginnaasumik paasissutissiineq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai. Attartukkami najugaqaraluarlutilluunniit – tassa inissiarisat piginagu – illit kissaatitit malillugit inissiat allanngortissinnaavat pitsanngorsarluguluunniit. Tamanna atuisinnaanermik pisinnaatitaanermik taaneqartarpoq.

Illit inigisanni arlaannik allannguinissamut marlunnik periarfissaqarputit. Allannguilluni suliaqarsinnaavutit imaluunniit pitsanngorsaanermik suliaqarsinnaavutit.


Allannguinermik suliaqarneq
Allannguinermik suliaqarneq tassaavoq illit inissiarisanni allanngortiterinerit, ilinnut iluaqutaasinnaasut immaqali attartortussamut tullermut taamaanngitsut. Tamakku assersuutigalugu tassaasinnaapput:
  • Errorsivimmut ikkuffiit ikkussuunneri 
  • Tv-mut antenne-t ikkussuunneri 
  • Ikiorsiissutitut atortut ikkussuunneri 

Allannguinerit attartortunut tamanut iluaqutaasanngimmata:
  • Allannguutit illit nammineq akilissavatit
  • Anillutit nuukkugit inissiap qangatut ilusileqqinnissaa ajornassanngilaq. Allannguilluni sulineq taamaalilluni inissiami allannguinernik iluarseqqinneqarsinnaanngitsunik peqassanngilaq
  • Qularnaveeqqummik akiliissaatit, inissiap qangatut ilusileqqinnissaanut atorneqartussanik. Inissiap allanngortinnissaa pisariaqanngippat, qularnaveeqqut ilinnut utertinneqassaaq

Pitsanngorsaalluni suliaqarneq
Pitsanngorsaalluni suliaqarneq tassaavoq illit inissiarisanni allannguinerit, attartortunut tamanut iluaqutaasut. Tamakku assersuutigalugu tassaasinnaapput:
  • Kiassaatit sakkortusaataannik ikkussuinerit
  • Igaffimmik, toqqorsivimmik, uffarfimmik imaluunniit anartarfimmik nutarterineq
  • Ikkuffinnik, anartarfinnik, errorfinnik aamma erngup kuuffiinik taarsersuinerit
  • Igaffimmi, toqqorsivimmi, uffarfimmi imaluunniit anartarfimmi atortunik, ilisivinnik nerriviusanillu taarsersuinerit
  • Qulliit ikkuffiinik aamma innaallagissamut ikkuffinnik allanik ikkussuineq
  • Milluaasumik ikittarfilimmik ikkussuineq
  • Atisaasivinnik aamma igalaanik ikkussuineq
  • Silami aneerasaartarfimmik sananeq
  • Igalaanik matunillu silarlernik taarsersuineq
  • Alanngertaasiineq imaluunniit matumik sananeq 
  • Ukioq naallugu imermut attavilersinneq

Allannguinerit illit nammineq akilissavatit. Taamaattoq attartortussamut tullermut iluaqutaammata – tassa inissiap nalinganik qaffatsitsillutik – pitsanngorsaanermik suliaqarninnut aningaasartuutivit ilaat, anillutit nuukkuit utertinnissaannut periarfissaqarputit.


Malugiuk
Illit inigisanni pitsanngorsaanerit imaluunniit allannguinerit suliarilersinnagit, INI-mit akuersissummik peqaqqaartussaavutit. Taamaammat najukkanni INI-p allaffeqarfianut qinnuteqaammik tunniussissaatit. Matuma kingorna ittuusup misissussavaa akuersissummik pissarsisinnaanersutit.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl