INI-p inissiaataanik attartortittakkanik pitsanngorsaaneq – Qinnuteqarneq

INI-p inissiaataanik attartortittakkanik pitsanngorsaaneq – Qinnuteqarneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu illit inissiamik attartukkannik pitsanngorsaanissannut akueralutit.

Naak attartukkannik najugaqaraluarlutit – tassa inissiat nammineq piginagu – kissaatitit malillugit illit inissiavit pitsanngorsarnissaanut periarfissaqarputit. Tamanna atuisinnaanermut pisinnaatitaanermik taaneqartarpoq. Illit inissiarisanni sulianik aallartitsinnginninni, INI-mit akuersissummik peqqaassaatit.

Illit inissiami attartukkanni pitsanngorsaanermik suliaqarnermik aallartitsiumaguit, qinnuteqaammik sanassaatit. Qinnuteqaatip imarissavai:
  • Suliniutip teknikkikkut nassuiarnera
  • Suliniutip aningaasaqarnikkut nassuiarnera
  • Atortussat atorniakkatut kissaatigisavit nassuiarnerat
  • Atortussat pitsaassusiannik nassuiaat
  • Qalipaatit sorliit atorniarneritit nassuiaat
  • Sulinerup ingerlanneqarnissaanut piffissamut pilersaarut

Najukkanni INI-p allaffeqarfianut qinnuteqaatit nassiutissavat tunniulluguluunniit. Matuma kingorna najukkanni inissianut immikkoortortaqarfimmi nakkutilliisup nalilersussavaa, illit inigisat pitsanngorsaaffigisinnaanerit.

Pitsanngorsaanermik suliaqarneq aallartissinnaavat:
  • Nakkutilliisup qinnuteqaatit akuersissutigereerpagu
  • Sanaartornissamut akuersissutinik allanik, assersuutigalugu sanaartornissamut akuersissummik INI pissarsereerpat

Akuersissuteqanngitsumik allannguinerit
Akuersissuteqanngitsumik inissiami allannguinernik ingerlatsisimaguit, taarsiissutitut akiliuteqarnissat peratarsinnaavoq.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl