INI-p inissiaataanik attartortittakkamik attartortup allamut attartortitsisarnera – Nalinginnaasumik paasissutissiineq

INI-p inissiaataanik attartortittakkamik attartortup allamut attartortitsisarnera – Nalinginnaasumik paasissutissiineq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu attartortup allamut attartortitsineranik isumaginninneq.

Nammineq inissiarisamiit sivisunerusumik peqanngittussaanermut patsisit pitsaasut amerlasuujusinnaapput. Assersuutigalugu patsisaasinnaavoq ilinniarneq napparsimanerluunniit. Inissiamut atunngisannut aningaasartuutit amerlasinnaasarmata, peqannginnivit nalaani attartortutut allamut attartortitsisinnaavutit. Tamatuma kingunerisaanik illit tassani najugaqannginnivit nalaani illit inissiarisannut allat nuussinnaapput.

Inissiarisanni najugaqartussaq inuk imaluunniit inuit nammineerlutit nassaarissavatit.


Piumasaqaatit
Illit inissiarisat allamut attartortissinnaavat sivikinnerpaamik qaammatini pingasuni sivisunerpaamillu qaammatini aqqaneq-marlunni. Taamaattoq qaammatinik aqqaneq-marlunnik sivisunerusumik inissiavit attartortinnissaanut qinnuteqarnissamut periarfissaqarputit, taassuma qimaqqanissaa patsiseqarpat makkuninnga:
  • Ilinniarneq
  • Napparsimaneq
  • Utaqqiisaasumik nuutsitaagallarsimaneq
  • Pineqaatissinneqarsimasunut inissiisarfimmiinneq

Inissiavit attartortinnissa pitinnagu INI-mit akuersissummik peqqaassaatit.


Ineqarnermut akiliut aamma qularnaveeqqusiissut
Inissiarisat attartortikkukku, suli inissiamut akisussaaneq pigisussaavat. Tamatuma kingunerisaanik illit assersuutigalugu akisussaaffigaatit:
  • Ineqarnermut akiliutissap kiisalu kiassarnermut imermullu akiligassat piffissamut akilerneqartarnissaat
  • Inissiami ajoquserneqartut, attartortumit piliarineqartut pitsanngorsarnissaat

Illit attartortitsisutut inissiamut akiliutigineqartussamit illit akilertagannit anginerusumik akiliuteqartoqarnissaanik piumasaqarsinnaanngilatit. Inissiarisat pisatsersugaq attartortikkukku, inissiamut akiliutissap qaavatigut 10 % ilassutigisinnaavat, pequtit atorneqarsinnaanerannut akiliutaasussatut.

Aamma qularnaveeqqummik akiliuteqartoqarnissaa piumasarisinnaavat, taakku inissiami ajoqusiinernut aningaasartuutinut matussutissaassapput. Qularnaveeqqut aamma inissiamut akiliutissaq siumoortumik akilikkat, annerpaamik qaammatini arfinilinni inimut akiliutissap angeqatigissavaa.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl