INI-p inissiaataani attartortittakkani atortulersuutit oqimaatsut – Ikkussuineq

INI-p inissiaataani attartortittakkani atortulersuutit oqimaatsut – Ikkussuineq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai. Naak attartortutut najugaqaraluarlutit – tassa inissiarisat nammineq piginagu – illit kissaatigisatit malillugit inissiarisat allanngortitissallugu periarfissaqarputit. Imaassinnaavoq assersuutigalugu atortulersuutinik oqimaatsunik (assersuutigalugu nillataartitsivik, errorsivik) ikkussuinissat kissaatigigit.

Inissianni atortulersuutinik oqimaatsunik ikkussuilersinnak INI-mit akuersissummik peqqaassaatit.


Qinnuteqarneq
Akuersissummik qinnuteqarniaruit immersugassaq immersussavat:

Errorsivimmik, erruivimmik panersaammillu ikkussinissamik qinnuteqarneq

Qinnuteqarnermi immersugassaq immersoreerukku, najukkanni INI-p allaffeqarfianut nassiulluguluunniit tunniutissavat.

Matuma kingorna ineqarfinni immikkoortortaqarfimmi nakkutilliisup illit inissianni atortulersuutinik oqimaatsunik ikkussuinissamut teknikkikkut periarfissaqarnersoq nalilersussavaa.


Errorsiviit pillugit immikkut ittumik paasissutissat
Inissiani tamani errorsiviit ikkussinnaanerat ajoraluartumik teknikkikkut periarfissaqarneq ajorpoq. Errorsivimmik ikkussisinnaanermut akuersissummik pissarsisimaguit, illit:
  • Errorsiviup ikkunnissaanut atatillugu akuerisaasumik sulisartumik atuissaatit
  • Imermut matusaammik peqartoqassaaq
  • Erngup kuuttoorsinnaaneranut pooruseqassaaq

Errorsivik ikkunneqareerpat tamanna nakkutilliisumit akuerineqassaaq.


Malugiuk
Atortulersuutit oqimaatsut ikkussuunnerat illit nammineq akilissavat.
A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl