INI-p inissiaataanut attartortittakkanut ineqarnermut akiliut – Akiliuteqarneq

INI-p inissiaataanut attartortittakkanut ineqarnermut akiliut – Akiliuteqarneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu Namminersorlutik Oqartussat kommunillu sinnerlugit ineqarnermut akiliutissat akilerneqarnissaanik piumasaqarneq.

INI-mi attartortutut najugaqaruit, ineqarnermut akiliuteqartartussaavutit. Taamak iliorsinnaavutit periutsit pingasut atorlugit:
  • Girokort atorlugu qaammammut ataasiartumik
  • Girokort atorlugu qaammammut marloriartumik
  • Akilersuussineq (betalingsservice) aqqutigalugu qaammammut ataasiartumik marloriartumilluunniit

Qaammammut akiliut
Qaammammut ataasiartumik ineqarnermut akiliuteqartaruit, qaammatit tamaasa allakkatigut ineqarnermut akileeqqusissut tigusassavat. Akiliiffissatut ulluliussap kingulliup kingorna ulluinnaat pingajuanni kingusinnerpaamik akiliisimassaatit. Akiliiffissatut ulluliussaq kingulleq ineqarnermut akileeqqusissummi allassimasarpoq.


Ullut 14-ikkaarlugit akiliut
Aamma qaammammut ineqarnermut akiliutigisassat marloriartumik akilernissaa periarfissaraat. Qaammammut ineqarnermut akiliisarnerit marloriartumik pisassasoq kissaatigigukku, qaammatip aallaqqaataani aamma 15-ianni allakkatigut ineqarnermut akileeqqusissut tigusassavat. Akiliiffissatut ulluliussap kingulliup kingorna ulluinnaat pingajuanni kingusinnerpaamik akiliissaatit. Akiliiffissatut ulluliussaq kingulleq akileeqqusissummi allaqqasarpoq.

Attartortunngorlaajuguit ullullu 14-it qaangiunneri tamaasa akiliisarnissat kissaatigalugu, tamanna INI-mut nalunaarutigissavat attartornermut isumaqatigiissut atsioriartorukku. Attartornermi isumaqatigiissummi allaqqassaaq ullut 14-t qaangiunneri tamaasa akiliisarnissaq kissaatigigit. Qaammammi siullermi ineqarnermut akiliut marlunnut avinneqarsinnaanngilaq. Tassa qaammat ilivitsoq iserterlutit nuukkuit akilertussaavat. Matuma kingorna aatsaat ullut 14-it qaangiunneri tamaasa akiliisarnerit aallartissinnaavat.

Attartortooreeruit ullullu 14-it qaangiunneri tamaasa akiliisarnissat kissaatigalugu, najukkanni INI-p allaffeqarfianut saaffiginnissaatit ullullu 14-ikkaartumik akiliisarnissamut nalunaarneqarnissat qinnutigalugu. Matumani attartortutut isumaqatigiissutinnut ilassummik atsiugaqassaatit, tassani qaammammut akileeqqusissut marloriartumik pissarsiarisarumallugu kissaatigigit allaqqassaaq.


Akilersuussineq
Akilersuussineq (betalingsservice) tassaavoq aningaaseriviup sullissinera, isumamineersumillu taassuma isumagisarpaa aningaasat illit konto-nnit nuunneqarnissaat, akiligassat akilerneqartussanngoraangata. Taamak iliornikkut akiligassavit nammineerlutit akilernissaannut pisarissersornissat pinngitsuussavat aammalu qulakkeerlugu akiligassat piffissaq eqqorlugu akilerneqarnissaat
  • Qaammammut ataasiartumik ineqarnermut akiliisaruit, qaammatip aallaqqaataani ineqarnermut akiliutissat illit aningaaserivimmi konto-nnit isumamineersumik ilanngaatigineqartassaaq
  • Ullut 14-ikkaartumik ineqarnermut akiliisaruit, qaammatip aallaqqaataanit aamma 15-anni ineqarnermut akiliutissat illit aningaaserivimmi konto-nniit isumamineersumik ilanngaatigineqartassaaq

Malugiuk
Qaammatip ulluisa 15-anni kingusinnerpaamik INI ilisimatissavat:
  • Ullut 14-ikkaartumik ineqarnermut akiliuteqartarnissat kissaatigigit
  • Qaammatikkaartumik akiliuteqartarnissamut nuunnissaq kissaatigigit
A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl