INI-p inissiaataanut attartortittakkanut ineqarnermut akiliut – Nalinginnaasumik paasissutissiineq

INI-p inissiaataanut attartortittakkanut ineqarnermut akiliut – Nalinginnaasumik paasissutissiineq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu Namminersorlutik Oqartussat kommunillu sinnerlugit ineqarnermut akiliuteqaqqusineq.

Ineqarnermut akiliut qaammatit tamaasa akilertakkat, agguataakkanut pingasunut tuttarpoq:
  • Aningaasat illikartitikkat
  • Allaffissornermut tapiissutit
  • Ingerlatsinermut tapiissutit

Aningaasat illikartitikkat
Aningaasat illikartitikkat tassaapput aningaasanit erniat, illuutinik piginnittut illuutinut aningaasaliissutiginikuusaat. Qaammatit tamaasa taakkununnga illit ineqarnermut akiliutit aqqutigalugu akileqquneqartarput, kingornalu illuutinik piginnittunut toqqaannartumik tunniunneqartarlutik.

Aningaasat illikartitikkat amerlassusaat inissiap angissusaanit kiisalu inissiap sananeqarnerata qanoq akisutigisimaneraniit aallaaveqartarpoq. Sanaartornermili aningaasat atorneqartut kvadratmeter-imut ikinnerpaamik 7.000 kr.-iusimassapput amerlanerpaamillu 15.000 kr.-iussallutik. Ikkussukkat amigaateqarsimappata, assersuutigalugu innaallagiaq imaluunniit erngup oqorsaasersornera, sanaartornermi aningaasat atorneqartut ikilisinneqassapput.

Nalinginnaasumik inissiamik attartornermi aningaasat illikartitikkat illuutip sananerani aningaasat atorneqartut 1,5 %-erisarpaat.


Allaffissornikkut tapiissutit
Allaffissornikkut tapiissutit illuutinik piginnittup illuutiminik aqutsinerani illuutinik piginnittup aningaasartuutaanut matussutaasussaapput. Tassa imaappoq tapiissutit aningaasat taakku INI-p inissianik aqutsinerata amerlaqatigai.


Ingerlatsinermut tapiissutit
Ingerlatsinermut tapiissutit ineqarnermut akiliutip ilagai, ineqarfittut immikkoortortaqarfiup ingerlanneranut atorneqartartut. Ingerlatsinermut tapiissutit ataatsimoorussamik aningaasartuutinut matussutaasussaapput assersuutigalugu:
  • Innaallagiaq
  • Imeq kiassarnerlu
  • Eqqiluisaarneq
  • Nalinginnaasumik aserfallatsaaliineq
  • Pilersaarutaasumik aamma piffissakkaartumik aserfallatsaaliineq
  • Nutarterineq
  • Sillimmasiinerit
  • Inissiat inoqannginnerisa malitsigisaanik annaasat

Ingerlatsinermut aningaasartuutit ineqarfittut immikkoortortaqarfimi attartortut akornanni, inissiat ataasiakkaat angissusiat malillugu agguataarneqartarput.


Malugiuk
Ineqarfittut immikkoortortaqarfiup ingerlanneqarnera akisunerujartortillugu, ineqarnermut akiliut annertusiartuinnartarpoq. Taamaammat attartortutut ingerlatsinermi aningaasartuutit killilersimaarnissaannut aamma illit peqataasussaavutit. Taamak iliorsinnaavutit assersuutigalugu:
  • Majuartarfeqarfinnut kiassakkanut matut matusarnerisigut
  • Sequtserinermik pinngitsuuinikkut
  • Majuartarfeqarfiit kusanartuutillugillu eqqiluitsuutinnerisigut
INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl