INI-p inissiaataa attartortittagaq – Ileqqorissaarnissamut maleruagassat

INI-p inissiaataa attartortittagaq – Ileqqorissaarnissamut maleruagassat 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu ileqqorissaarnissamut maleruagassanik akuersisarneq aamma atuutsitsineq.

Ileqqorissaarnissamut maleruagassat atuutsitaapput, illit eqqaamiuillu immissinnut mianerinissarsi aammalu ilissi inissiarisassi illersorneqarsinnaasumik pissuseqarfiginissaat eqqarsaatigalugu, taamaalilluni ajoqusiinerit amerlassusiat annikinnerpaaffianiisinneqarsinnaammat. Illit pillutit aamma eqqaamiutit eqqarsaatigalugit ileqqorissaarnissamut maleruagassat malissavatit. Ileqqorissaarnissamut maleruagassat sakkortuumik uniortikkukkit, inissiamik attartornivit taamaatinneqarnera angoratarsinnaavat.

INI-p inissiaataani attartortittakkani ileqqorissaarnissamut maleruagassat tassaapput:


Eqqagassat
Inissiaqarfimmi igitanut nakkartitsiveqarpat, igitatit pappiaqqamut imaluunniit puussiamut poorluarsimassavatit igitanut nakkartitsivimmut igitsinnagit. Inissiaqarfimmi igitanut nakkartitsiveqanngitsuni igitanut atortussiamut eqqakkatit inississavatit. Igitat majuartarfeqarfinnut imaluunniit eqqaaveqarfiup naqqanut ilissanngilatit.


Ataatsimoorussamik aneerasaartarfiit majuartarfeqarfiillu
Inissiarisavit silataani aneerasaartarfiit majuartarfeqarfiillu eqqiluitsuutinnerannut peqataassaatit. Sikkilit, meeqqanut qamutit assakaasullit, qamuteeqqat allallu majuartarfeqarfinnut, eqqaaveqarfinnut imaluunniit aneerasaartarfinnut ilisussaanngilatit.


Antenne-t
INI-p allaganngorlugu akuersissutaanik peqanngikkuit, silami antenne-nik ikkusseqqusaanngilatit. Imaassinnaavoq qularnaveeqqummik akiliissasutit, antenne-t ikkunneranni kingusinnerusukkulluunniit illuutigineqartup ajoquseratarsimasinnaanerata iluarsaannerannut atorneqartussamik.


Uffarfik, uffarfiup kuutsitsiffia, anartarfik aamma erngup kuutsiffii
Anartarfimmut imermik errortortakkamut erruutikunik, vat-inik assigisaannilluunniit igitsissanngilatit. Erngup ruujoriinik erngartunik, anartarfiup sitserunnerinik imaluunniit erngup ruujoriinik allanik erngartunik peqartarpat, taakku pillugit INI erngersumik ilisimatissavat.


Mingutsitsineq
Ataatsimoorussamik atortulersuutit, assersuutigalugu majuartarfeqarfiit, illoqannginnersat imaluunniit pinnguartarfiit mingutserneqassanngillat. Illuutip qarmaanut imaluunniit qisuttaanut titartaassanngilatit, kigartuissanngilatit qalipaanalluunniit. Taama ilioruit, illit akiligassannik INI-p eqqiaaneq pitsanngorsaanerlu pisariaqartoq suliarissavaa.


Uumasuutit
INI-p allaganngukkamik akuersissutaanik peqanngikkuit qimmiuteqarsinnaanallu qitsuuteqarsinnaanngilatit. Pisuni immikkut ittuni ilaqutariinnut illuni affarleriiaani qimmiuteqarnissamut qitsuuteqarnissamullu INI taamaallaat akuersissuteqarsinnaavoq. Qimmiuteqarnermut qitsuuteqarnermulluunniit immikkut ittumik qularnaveeqqummik INI piumasaqaateqarsinnaavoq.


Sannatit aamma nipilersorneq
Sannatit nipitusinnaasut, assersuutigalugu qillerutit, eqqaamiuusut eqqarsaatigalugit nal. 8 aamma nal. 19 akornanni taamaallaat atorneqarsinnaapput. Majuartarfeqarfinni, aneerasaartarfinni imaluunniit naqqup ataani toqqorsivinni nipiliorluni pinnguarneq inerteqqutaavoq. Radio, fjernsyn, immiussissut, oqaluttartoq imaluunniit CD-i eqqaamiunut allanut akornutaasumik atorneqassanngillat. Nuannannerit nipiliorfiusut eqqaamiut akuersisimanngippata ingerlateqqusaanngillat. Nipilersoqatigiit sungiusarneri imaluunniit nipilersornermik ilinniartitsinerit attartortitsisumik siumoortumik isumaqatigiissuteqarsimanissamik piumasaqaateqarput.


Init toqqorsiviit
Inini toqqorsivinni assigisaanniluunniit ikuallajasunik, soorlu benzin, petroleum, terpentin imaluunniit lak-imik ilisaqaqqusaanngilatit. Init taama ittut paarnaaqqatittassavatit – aamma taakku atorneqanngikkaluarpataluunniit.


Kiassaatit
Kiassaatit erngarpata imaluunniit kiassaateqarfiup ilaa alla ajorpat, tamanna INI-mut erngersumik nalunaarutigissavat.


Allagartalersuineq
Allagartalersuineq, matumi allagartat minillugit, INI-mit akuersissummik peqarnissamik piumasaqaateqarput.


Atisat errortat
Atuisutulli allatut errorsiveqarfimmik atuisinnaanermut pisinnaatitaavutit. Errorsisarfimmik atuineq malittarisassat saqqummiunneqarsimasut malillugit aamma nammineerluni akisussaaffigisatut ingerlanneqartarput. Errorsisarfimmi atortulersuutit ajorpata, errorsinermik nakkutilliisumut imaluunniit INI-mut nalunaaruteqassaatit. Aneerasaartarfinni manisineq eqqaamiunut allanut akornutaassanngilaq.


Inissiami allannguinerit
Iigaasanik ikkussuisinnaanallu piiaasinnaanngilatit. Inissiami allannguinerit taamaallaat ingerlassinnaavatit INI-mit allaganngorlugu akuersissummik peqaruit. Allannguinerit nammineerlutit akiligassaraatit. Attartornerup unitsinnerani INI-p piumasarisinnaavaa inissiaq ilinnit tiguneqarnermisut iluseqalerseqqinneqassasoq, tamannalu illit nammineerlutit akiligassarissavat. Akuersissuteqanngitsumik inissiaq allanngortitersimagukku, taarsiissummik akiligassinneqariaannaavutit.

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl