INI-p inissiaataanut attartortittakkanut nuulluni iserterneq – Iserternermi nalunaarusiaq aamma amigaatit allattorsimaffiat

INI-p inissiaataanut attartortittakkanut nuulluni iserterneq – Iserternermi nalunaarusiaq aamma amigaatit allattorsimaffiat 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu iserterlutit nuukkuit inissiamik misissuinermik ingerlatsineq.

INI-p inissiaataanut attartortittakkamut iserterlutit nuukkuit, INI-mit nakkutilliisoq ilagalugu inissiami amigaataasinnaasunik misissuiffigissavat. Nakkutilliisoq misissuinermi nalunaarusiussaaq, tassani amigaataasinnaasut nassuiarneqassapput. Nalunaarusiap nuutinnera pissarsiarissavat, taanna toqqussavat inissiamiillu anillutit nuukkuit atoqqittussaassavat.

Inissiaq illoqarfimmi nunaqarfimmiluunniit inissisimappat nakkutilliisumik sulisoqanngitsumi, iserterlutit nuukkuit inissiaq misissorneqassasoq qularnaatsumik oqaatigineqarsinnaanngilaq.


Amigaatit allattorsimaffiat
Isertereerluni nuunnermi inissiami kukkunernik allanik amigaatinilluunniit ilaatigooriarluni nassaartoqartarpoq. Inissiarisanni kukkunernik naammattuuiguit, amigaatit allattorsimaffiannik sanassaatit, taanna najukkanni INI-p allaffeqarfianut tunniulluguluunniit nassiutissavat.

INI-p amigaatinut allattuiffigisat pissarsiarissavaa, kingusinnerpaamillu inissiamut iserterlutit nuunninniit ullut 14-it qaangiutinnginneranni tigoreersimassallugu.

Illit amigaatinut allattuiffigisimasat INI-p pissarsiarereerpagu amigaatit iluarsineqassanersut nakkutilliisumit nalilersorneqassaaq. Amigaatit tamakkerlutik iluarsineqarneq ajorput. Taamaammat inissiamit anillutit nuunnissannut amigaatinut allattuiffigisavit toqqorsimanissaa pingaartuuvoq, taanna atoqqittussaagakku.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl