INI-p inissiaataanik attartortittakkamik qalipaaneq – Ilitsersuut

INI-p inissiaataanik attartortittakkamik qalipaaneq – Ilitsersuut 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai. Naak attartortutut najugaqaraluarlutit – tassa inissiaq nammineq piginagu – inissianni iikkat qilaallu qalipannissaannut periarfissaqarputit.

Qalipaaneq sulianik suliarinnittarnikkut eqqortumik suliarineqassaaq qalipaatillu tamarmik akuerisaasumik pitsaassuseqassapput. Misileraanaveersaarit tamanna akisoorujussuanngorsinnaammat. Sulineq peqqissaartumik pitsaasumillu ingerlakkaanni tamatigut akilersinnaajuaannarpoq. Taamatut suliat inerneri pitsaanerpaat angussavatit. Qalipaanerit naammassigukku, qalipanneqartut tamarmik qaavi assigiiaartumik qalipaateqarlutillu qillissuseqassapput. Itersat quppallu matoorneqarsimassapput aammalu qaavi killingilu attorlugit manissuussallutik.

Qalipanneqassanngillat
  • Matut alloriusai
  • Innaallagissap ikittarfii
  • Innaallagissamut ikkuffiit
  • Nateq

Pitsaasunik qallersimanissaat taamaammat tamatigut eqqaamasaruk.


Qilaaq qalipattussanngorukku
  1. Qalipaat kaanngalasoq kiliortorlugu aallartissutigiuk
  2. Qilaaq qaqorsaammik asaammillu sukumiisumik asaguk
  3. Kingorna imermik akoqanngitsumik sukumiisumik asaguk panerserlugulu
  4. Sukumiisumik qallersuigit, taamaalilluni qalipaat natermut, igalaanut aamma ilitsivinnut serpalissinnaajunnaarniassammat
  5. Qilaaq tamakkerlugu eqqiareerpat aamma qallersuisoqareerpat, itersat immerneqassapput manissarlugillu
  6. Qilaaq qalipaammik imermik akullugu sanaamik imaluunniit qalipaammik plastik-kertalimmik qillarissutsimik 5-iusumik qalipaguk

Eqqumaffigissavat imeq annertuallaaq ataatsikkut atorukku, qilaaq qequssiaasoq aserorsinnaammat.

INI-mit akuersissummik peqanngikkuit, qilaaq qisuusoq qalipassinnaanngilat.


Iikkat qalipattussanngorukkit
  1. Qaqorsaammik asaammillu sukumiisumik asaagit
  2. Kingorna imermik akoqanngitsumik asaagit panerserlugulu
  3. Ilitsiviit, innaallagissap ikittarfii, innaallagissamut ikkuffiit naterlu qalipaalluni nipitittakkamik plastik-kimillu sukumiisumik assersukkit
  4. Qalipaammik plastik-kertalimmik qillarissutsimik 5-iusumik qalipaagit

Iikkat sannakuarartalinnik qallikkat, ilusilikkamik assigisaanilluunniit qallikkat qalipassinnaavatit. Aamma iikkat siusinnerusukkut qalligaasimasut qalipaateqanngitsut qalipassinnaavatit.

Qilaami iikkamilu itersat matooreerukkit, qaliaasiummik asaammilluunniit isugutattumik qillarissarsinnaavatit. Taama iliornikkut killingi piiassavatit sukkinnarunnaarnissaat suliarisariaarullugu.


Pisiat uppernarsaataat toqqukkit
Qalipaanissannut atortussannut aningaasartuutivit ilaat utertissinnaavatit, apeqqutaalluni qanoq sivisutigisumik inissiaq najugaqarfigisimanerit. Pisiat uppernarsaataat toqqukkit, INI-mullu akiliutitit taarsertikkumallugit takutillugit.


Malugiuk
Qalipaat qaqortuunngitsoq atorsimagukku, anillutit nuukkuit inissiap qalipaataa qaqortunngorteqqissagakku eqqaamassavat. Inissiap qaqortumik qalipanneqaqqinnera illit nammineq akilissavat.

Nateq lak-ertissinnaavat aammalu sulianik suliarinnittartunut ini isugutasunik suliaqarfiusoq qalipatsissallugu.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl