INI-p inissiaataasa attartortittakkat akornanni nuunnissamik kissaateqarneq – Qinnuteqarneq

INI-p inissiaataasa attartortittakkat akornanni nuunnissamik kissaateqarneq – Qinnuteqarneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu nuunnissamik kissaateqarnernik isumaginninneq.

INI-p inissiaataani attartortittakkani najugaqaruit kommunimilu tassani inissiamik allamik tunineqarnissat kissaatigalugu, nuunnissamik kissaateqartutut utaqqisut allattorsimaffiannut allatsissinnaavutit. Tamanna pisussanngorsinnaavoq assersuutigalugu:
  • Meerartaaruit
  • Avikkuit
  • Illit meeqqat angerlarsimaffissinnit nuuppat
  • Illoqarfimmut nunaqarfimmulluunniit allamut nuunnissat kissaatigigukku
  • Illoqarfiup ilaani allami najugaqarnissat kissaatigigukku

Piumasaqaatit
Ineqarnermut akiliutissamik akiitsoqanngikkuit imaluunniit INI-mut allanik akiitsoqarnak, nuunnissamik kissaateqartutut allattorsimaffimmiit inissiamik taamaallaat tunineqarsinnaavutit.


Qinnuteqarneq
Nuunnissamik kissaateqarnissaq pillugu qinnuteqarniaruit, immersuiffissaq immersussavat:

Nuunnissamik kissaateqarnermik qinnuteqarneq

Qinnuteqaat najukkanni INI-p allaffeqarfianut tunniulluguluunniit nassiutissavat.

Nuunnissamik kissaateqartutut utaqqisut allattorsimaffianniinneq ukiumut 100 kr.-inik akeqarpoq.


Malugiuk
Suliffimmut atatillugu inissiami najugaqaruit, nuunnissamik aamma kissaateqarsinnaavutit.

Utaqqisut allattorsimaffiata qanoq takitigineranut apeqqutaasarpoq, inuit ilittulli inissiap assinganik angeqqataanillu qassit qinnuteqarsimanersut. Illit inissamik attartortittakkamik kissaatigisat pillugu suussutsit amerlanerujartortillugit aamma inissisimaffiinut tunngasut nalinginnaasumik utaqqinissaq sivisunerugaluttuinnartarpoq.

Inissiamik neqerooruteqarnermik itigartitsinissannut aamma nuunnissamik kissaateqartut akornanniiginnarnissamut periarfissaqarputit, inissiamik kissaatigisannik neqeroorfigineqarnissavit tungaanut.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl