INI-p inissiaataanik attartortittakkamik tunniussineq – Qinnuteqarneq

INI-p inissiaataanik attartortittakkamik tunniussineq – Qinnuteqarneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu attartornerup tunniunneranik akuersineq.

INI-mi attartornerit nammineerlutit unitsissimagukku, illit qanigisavit ilaannut inissiarisat tunniussinnaavat.


Piumasaqaatit
Illit qanigisannut taamaallaat inissiarisat tunniussinnaavat. Assersuutigalugu tassaasinnaapput:
  • Meeqqat
  • Qatanngutit
  • Inooqatigisaq imaluunniit siusinnerusukkut inooqatigisimasaq
  • Illooqqat

Taassuma saniatigut inuk inissiamik tigusisoq:
  • sivikinnerpaamik ukiuni marlunni ilinni inissiami najugaqataasimassaaq
  • 18-it sinnerlugit ukioqassaaq

Qinnuteqarneq
Inissiarisat tunniukkusukkukku najukkanni INI-p allaffeqarfianut qinnuteqaat allaganngugaq nassiulluguluunniit tunniutissavat. Qinnuteqaammut tassunga ilanngutissavatit inuup inissiamik tigusisussatut kissaatigisavit najugaqarnermut uppernarsaataa. Najugaqarnermut uppernarsaatip uppernarsassavaa, inuk tunniussiffigerusutat sivikinnerpaamik ukiuni marlunni illit inissiami attartukkanni ilinnut najugaqataasimasoq.

Qinnuteqaatit INI-p suliarereerpagu, akissummik allaganngukkamik nassiussarsissaatit.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl