Sulisunut inissiaq – Tigusineq

Sulisunut inissiaq – Tigusineq 

Pisortani aalajangersimasumik sulisuusut ilaat suliffimmut atasumik ineqarnissamut pisinnaatitaapput. Suliffimmut atasumik inissiaq tassaavoq inissiaq atorfeqarninnut atatillugu pisinnaasat. Suliffimmut atatillugu inissiat amerlanerpaartaat inissiaatileqatigiiffimmit A/S INI-mit aqunneqartarput, taanna inissiaatileqatigiiffiuvoq pisortanit pigineqartoq.

Suliffimmut atatillugu inissiami najugaqaruit INI-mit aqunneqartumik, inissiamik pissarsiniarluni nalinginnaasumik utaqqisut allattorsimaffiannut allatsissinnaavutit. Inissiamut nalinginnaasumut neqeroorfigineqarnerit aallartippat, nuunnissaq toqqarsinnaavat imaluunniit suliffimmut atatillugu inissiaq nalinginnaasumut inissiamut allanngortissinnaavat.


Piumasaqaatit
Suliffinnut atatillugu inissiarisat taamaallaat inissiamut nalinginnaasumut allanngortissinnaavat, suliffimmut atatillugu inissiami tassanerpiaq ukiut arfineq-marluk sinnerlugit najugaqarsimaguit. Taamaattoq suliffiit assigiinngitsut aqqutigalugit suliffimmut atatillugu inissiamik peqarsimassaatit.

Suliffimmut atatillugu inissiarisat nalinginnaasumik inissiamut allanngortikkumagukku, soraarnerussutisiaqalernissat pissutigalugu, suliffimmut atatillugu inissiami tassanerpiaq ukiuni pingasuni najugaqareersimassaatit. Taama iliortoqarsinnaavoq taamaallaat illit:
  • Utoqqalinermi pensionisiaqalernermut ikaarsaaruit
  • Tjenestemand-itut pensionisiaqalernermut ikaarsaaruit

Siusinaartumik pensionisiaqalissaguit, allatuulli suliffimmut atatillugu inissiami ukiut arfineq-marluk sinnerlugit najugaqareersimassaatit, taassuminnga tigusisinnaassaguit.


Qinnuteqarneq
Suliffimmut atatillugu inissiaq tigujumagukku, najukkanni INI-p allaffeqarfianut qinnuteqaatit allaganngugaq nassiulluguluunniit tunniutissavat.

Inissiaq tigugukku attartortutut isumaqatigiissutinnut ilassutitut isumaqatigiissut illit INI-lu atsiussavarsi
  • Inissiaq nalinginnaasumik iluarsartuunneqassanngilaq misissorneqarnanilu
  • Qularnaveeqqutitut akiliut utertillugu akilerneqassanngilaq
  • Attartornermi isumaqatigiissummik nutaamik atsiortoqassanngilaq

Malugiuk
Pisortanut/qullersanut inissiat, inissiat immikkut ilisarnaasikkat, suliffimmut atatillugu inissiatut taaneqartut aamma inissiat immikkoortitat inissianut nalinginnaasunut allanngortinneqarsinnaanngillat. Tamanna aamma atuuppoq innersuussinernut ukununnga:
  • Naalagaaffimmi atorfillit
  • Naalakkersuisunut ilaasortat
  • Namminersorlutik Oqartussani pisortat
A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl