INI-p inissiaataani attartortikkakkami oquk – Nalunaarutiginninneq aamma suliarinninneq

INI-p inissiaataani attartortikkakkami oquk – Nalunaarutiginninneq aamma suliarinninneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu illuutit oqummik peqalinnginnissaannik isumaginninneq.

INI-mi attartortutut najugaqaruit inissiarisannilu oqoqartoq pasitsaateqqallugu, tamanna INI-mut nalunaarutigissavat. Taama iliorsinnaavutit periutsit marluk atorlugit:
  • INI-p nittartagaani qarasaasiakkoortumik nalunaaruteqarnermut immersuiffissiaq immersorlugu, oqoqarsinnaaneranik pasitsaassaqarnerit nalunaarutigalugu
  • Aamma INI-mut sianersinnaavutit inissiaqarfittullu immikkoortortartaqarfinni nakkutilliisumik oqaloqateqarnissat qinnutigalugu

Nalunaaruteqarnerit INI-p tigoreeruniuk inissiami sumiiffik oqoqarsinnaaneranik pasitsaallugu isumaqarfigisat, nakkutilliisup misissugassamik tigusiffigiartorlugu alakkaaffigissavaatit. Ilutigisaanik oquk qanoq siaruarsimatiginersoq nakkutilliisup nalilersussavaa.

Matuma kingorna oqunnerit pillugit immikkut ilisimasalinnut misissugassaaq INI-p nassiutissavaa. Immikkut ilisimasallip takusinnaavaa oquk sorliunersoq illit inissiarisanniinnersoq aammalu oquk taanna ulorianartuunersoq.

Akissut nakkutilliisumit sapaatit akunneri pingasut sisamalluunniit qaangiunneranni tiguneqassaaq. Akissummi paasissutissiissutigineqartarpoq misissugaq ilumut oqoqarneranik takutitsinersoq takutitsinnginnersorluunniit. Akissummittaaq allaqqasarpoq, illit inissiarisanni oquk sorliunersoq aamma ulorianartuunersoq. Akissummi aamma oquk sorliunersoq aamma qanoq suliarineqassanersoq nakkutilliisumut paasissutissiissutigineqassaaq.

Matuma kingorna suliarinninneq innersuussutaasoq nakkutilliisup aallartisissavaa. Suliarinninneq assersuutigalugu makku atorlugit ingerlanneqarsinnaavoq:
  • Klorin atorlugu asaaneq
  • Sanaartornermi atorneqarsimasunik taarsersuineq
  • Illuummik ingutserineq

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl