Ilaqutariinnut kiffartuussivik Sisimiut

Ilaqutariinnik ikiorsiinissaq Ilaqutariinnut kiffartuussivimmi pingaarnertut anguniagaavoq.

Ilaqutariinnut kiffartuussivimmi anguniakkat: 

  • Meeqqanik angerlarsimaffiup avataanut inissiisarnerup annikillisinneqarnissaa pinngitsoortinneqarnissaaluunniit
  • Ilaqutariit meerartaat angerlarsimaffiup avataanut inissinneqaratarsinnaasut pillugit angerlarsimaffiup avataanut inissiinissap pinngitsoortinneqarnissaanut ilaqutariit ikiorsissallugit
  • Ilaqutariit meerartaat angerlarsimaffiup avataanut inissinneqarsimasut, meerartaasa angerlarteqqinnissaat siunertaralugu ilaqutariit ikiorsissallugit nukittorsassallugillu
  • Meeqqat inuusuttullu angerlarsimaffiup avataanut inissinneqarsimallutik angerlarteqqinneqarsimasut illersussallugit 
  • Angajoqqaat eqqugaanissaminnut ilimanaateqartut katsorsartinnissamut, pinaveersaartitsinissamik, ilaqutariinnulluunniit højskolertitsisunut peqataanissaannut neqeroorfigineqartarput
  • Ilaqutariit peqatigiinnissaminnut ajornartorsiuteqartut peqatigiissinnaalernissaannut ikiorsissallugit 
  • Meeqqanik perorsaaneq pillugu siunnersuineq ilitsersuinerlu 
  • Ilaqutariit imminnut pilersorsinnaalernissaannut ikiorsissallugit 
  • Ilaqutariit misigissutsikkut misigisarlussimasut qaangiiniarnissaannut ikiorsissallugit
  • Ilaqutariit paarsisartut piginnaanngorsassallugit
  • Inuusuttut akornanni pinerliiniartarnerup pinaveersaartinneqarnissaa.

Kommunip allaffiani Ilaqutariinnut immikkoortortaqarfimmit ilaqutariit innersuunneqartarput.

Ilaqutariinnut sullissinermi suliarineqartartut 

  • angajoqqaanik aamma meeqqanik/inuusuttunik oqaloqateqartarnerit
  • ilaqutariinnik ineriartortitsinissamik pilersaarusiorneq 
  • angerlarsimaffinnut pulaarneq 
  • pikkorissarnerit sammisassatullu neqeroorutit

Tamatuma saniatigut suliarineqartarput:

  • meeqqat inuusuttullu ornittagaannut malinnaaneq
  • meeqqanut inuusuttunullu pinaveersaataasunik neqerooruteqarneq 
  • meeqqanik inuusuttunillu killisiuinermi illersortitut peqataaneq

Annertunerusumik paasissutissat 

Ilaqutariinnermi ajornartorsiutit pillugit annertunerusumik apeqqutissaqaruit imaluunniit siunnersorneqarnissat ilitsersorneqarnissalluunniit pisariaqartissagukku, Qeqqata Kommuniani Ilaqutariinnermut Immikkoortortamut imaluunniit kommunimi Ilaqutariinnut Kiffartuussiviit arlaannut saaffiginnissuteqarsinnaavutit.

Ilaatigut tullittunik tarnikkut ajornartorsiutilinnik, Ilaqutariinnut Kiffartuussiviit tapersersuillutillu ikiorsiisinnaanngimmata ersarissassallugu pingaaruteqarpoq:

tarnikkut annertuumik nappaatillit, skizofrenertut, annertuumik nikallungasut, inuttullu ajornartorsiuteqarnertik patsisigalugu allanik peqatigiuminaatsitsisut.

Sisimiuni Ilaqutariinnut Kiffartuussivik

Mannarsip aqq. 14

(+299) 86 60 77

sis.familiecenter@qeqqata.gl