Danmarkimi meeqqat angerlarsimaffiup avataani inissinneqarsinnaanera

Danmarkimi meeqqat angerlarsimaffiup avataani inissinneqarsinnaanera 

Danmark-imi meeraq angerlarsimaffiup avataanut inissinneqarpat, tassa imaappoq kommune naliliisimammat meeqqamut pitsaanerussasoq angajoqqaani qimallugit najugaqaruni.

Dansk-it kalaallillu kommunii meeqqanik angerlarsimaffiup avataanut inissiisarput, meeqqat angerlarsimaffimmi pitsaasumik atugaqanngitsut kommunimit nalilerneqarsimagaangata.

Danmark-imi angerlarsimaffiup avataanut inissiinerit tassaapput meeqqanut inuusuttunullu tapersiinerit, taamaalillutik inuttut ineriartornissamut, peqqissuunissamut aammalu allatuulli inersimasutut namminersorsinnaanermut periarfissinneqarnissartik angusinnaaniassammassuk. Meeraq angerlarsimaffimmi najugaqaannaruni inuunermini ingerlariaqqinngitsoornissaa kommunip ernumanartikkaangagu aatsaat meeraq angerlarsimaffiup avataanut inissinneqartarpoq.


Akuersissutitaqanngitsumik
Meeqqanut Inuusuttunullu ataatsimiititaliap angajoqqaatut oqartussaassuseqartumiit imaluunniit inuusuttumit 15-it sinnerlugit ukiulimmit akuersissutitaqanngitsumik, pisuni immikkut ittuni meeraq inuusuttorlu angerlarsimaffiup avataanut inississinnaavaa.
Meeqqanut Inuusuttunullu ataatsimiititaliap meeraq inuusuttorluunniit angerlarsimaffiup avataanut inississappagu, meeqqap inuusuttulluunniit peqqissusia ineriartorneraluunniit ajorluinnartumik ajoqusersinnaasoq ersarissumik aarleqqutigineqarsinnaasariaqarpoq, makku pissutigalugit:
  • naammaginanngitsumik pineqarneq imaluunniit paaqqutarineqarneq
  • atornerlunneqarneq
  • atornerluineq, pinerlunniarneq imaluunniit meeraq inuit akornanniinnermik sakkortuumik ajornartorsiuteqarpat
  • pissusilersornikkut imaluunniit naleqqussarnikkut ajornartorsiorneq

Pisariaqartititsineq tamakkerlugu
Meeqqamik angerlarsimaffiup avataanut inissiisinnaassagaanni kommunip qulakkeersimassavaa:
  • tamanna meeqqamut inuusuttumulluunniit tapersersorneqarnissamik pisariaqartitsineranut annertuumik kinguneqaateqarpoq
  • aaqqiissut pitsaanerpaavoq, meeqqamik sulialinnit misissuineq aallaavigalugu ajornartorsiutit pisariaqartitallu aaqqiissuteqarfiginissaannik toqqaaneq

Meeraq angerlarsimaffiup avataanut inissinneqarsimassaaq, tamanna pisariaqartoq kommunimit naliliineq attanneqartuartillugu. Angerlarsimaffiup avataanut inissiineq pisariaqarunnaartoq kommune naliliippat imaluunniit meeraq 18-inik ukioqalerpat, meeraq angerlarsinnaanngoqqissaaq.

Danmark-imi meeqqat inissinneqarsimasut pisinnaatitaaffii annertunerusumik uani atuakkit

Danmark-imi inissiisarnerit pillugit annertunerusumik uani atuagaqarit

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl