Meeqqat inuusuttullu ikiortariallit – Angerlarsimaffiup avataanut inissiinermi akiliuteqartitsisarneq

Meeqqat inuusuttullu ikiortariallit – Angerlarsimaffiup avataanut inissiinermi akiliuteqartitsisarneq 

Inissiineq tassaavoq, meeqqat inuusuttulluunniit angerlarsimaffimminnit angajoqqaarsiaagallartunut ulloq unnuarluunniit paaqqinnittarfimmut nuutsinneqarnerat. Ajornartorsiutit, angerlarsimaffimmut imaluunniit meeqqamut tunngasut, ilaqutariit iluanni aaqqiivigineqarsinnaanngitsutut nalilerneqaraangata inissiineq pisarpoq.

Meeqqat sumi ikkaluarpataluunniit angajoqqaat meeqqaminnut pilersuinissaminnut pisussaapput. Tamanna ima isumaqarpoq, illit meeqqat angerlarsimaffiup avataanut inissinneqarsimappat, inissinneqarneq tamakkiisumik ilaannakuusumilluunniit illit angajoqqaatut akilertussaagit. Qanoq amerlatigisunik akiliuteqartassanersutit, qanoq amerlatigisunik akissarsisarninnit aallaaveqassaaq.

Kommunip mianerissavai

  • illit aningaasaqarnerit
  • kisimiittuullutit pilersuisuunersutit
  • aamma qassinik meeraqarnersutit


Malugiuk
Pisuni atukkanni allannguuteqartoqarpat, tamanna kommunimut ilisimatitsissutigissallugu pisussaavutit. Tamatuma kingorna suliaq ilinnut tunngasoq kommunip nalilersoqqissavaa aningaasallu amerlassusaat nutaamik aalajangiiffigalugu.

Aalajangiineq allaganngugaq tunngavilersugaallunilu naammagittaalliuuteqarnissamut ilitsersuummik ilaqartoq pissarsiarissallugu pisinnaatitaaffeqarputit.


Naammagittaalliuuteqarneq
Meeqqavit inissinneqarneranut atatillugu aningaasat amerlassusiat akiliutigisartagassattut kommunip aalajangigaa isumaqatiginngikkukku, Isumaginninnermi Naammagittaalliuteqartarfimmut naammagittaalliuteqarnissamut pisinnaatitaaffeqarputit. Allaaserisat attuumassutillit ataanni Isumaginninnermi Naammagittaalliuteqartarfimmut qanoq naammagittaalliuteqassanersutit atuarsinnaavat.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl