Meeqqat inuusuttullu ikiortariallit – Suliniutinut tunngasunut naammagittaalliuuteqarneq

Meeqqat inuusuttullu ikiortariallit – Suliniutinut tunngasunut naammagittaalliuuteqarneq 

Meeqqap inuusuttulluunniit inuttut atugai aamma ineriartornera ulorianartorsiortinneqartillugit, ikiorsiineq aallartissallugu kommune pisussaavoq. Ikiorsiineq taanna angajoqqaat meerarlu imaluunniit inuusuttoq akuersiseqqaarlugit akuersiseqqaarnagilluunniit pisinnaavoq.

Meeqqamut inuusuttumullu ineriartornerminik ulorianartorsiortinneqartoq pillugu suliami ilaaguit, angajoqqaatut imaluunniit meeqqatut 15-it sinnerlugit ukiulittut, kommunip ikiorsiinermik suliniutigisai pillugit naammagittaalliuuteqarnissamut pisinnaatitaaffeqarputit.

Ikiorsiineq ilinnut tunniunneqartoq naammagittaalliuutiginiarukku isumaqaruillu kommunip pisussaaffini eqquutsinngikkaa, taakku pillugit naammagittaalliuuteqarsinnaavutit. Inunnik Isumaginninneq pillugu Naammagittaalliuuteqartarfimmut makku suliassanngortissinnaavatit

  • illit meeqqavit angerlarsimaffiup avataanut inissinneqarnissaa pillugu aalajangiinerit
  • ikiorsiinermik suliniutit allat pillugit aalajangiinerit, assersuutigalugu oqilisaanneqarnissamik itigartitsineq
  • angajoqqaat akiliuteqartussaanerat pillugu aalajangiinerit
  • angajoqqaarsiaagallarsinnaanermut akuersissutit pillugit aalajangiinerit
  • meeraq 15-it sinnerlugit ukioqalereersimappat, illit angajoqqaatut oqartussaassusilittut akuersiseqqaarnak meeqqalluunniit akuersiseqqaarnagu, meeqqavit inuttut atugai pillugit misissuinernik aallartitsinissat pillugit aalajangiinerit


Taakku saniatigut Inatsisartut Ombudsmand-iannut naammagittaalliuutigisinnaavatit makku

  • kommunimi sulianik suliarinninneq pillugu aalajangiinerit
  • kommunip tungaanit suliniuteqannginneq, tassa atugarliortoqarnera pillugu nalunaarutiginninnermut kommune qisuariaateqanngippat


Naammagittaalliuutit suliarissanerlugu Inatsisartut Ombudsmand-iata nammineq aalajangertarpaa.


Malugiuk
Makku pillugit naammagittaalliuuteqarsinnaanngilatit

  • meeqqavit sumi inissinneqarnissaa pillugu aalajangiinerit
  • meeraq akuersisitseqqaarnani inissinneqarsimappat, meeqqavit ilagisinnaanera pillugu aalajangiinerit


Naammagittaalliuuteqarneq
Kommunip ikiorsiinermik suliniutigisai pillugit naammagittaalliuuteqarnissat kissaatigigukku, Isumaginninnermi Naammagittaalliuteqartarfimmut taama iliorsinnaavutit. Allaaserisat attuumassutillit ataanni Isumaginninnermi Naammagittaalliuteqartarfimmut qanoq naammagittaalliuteqassanersutit atuarsinnaavat.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl