airplanebooksbriefcase business cogs cross election entertainment fish house law lockmedicalpeopleselfservices socialtax

Inissiamik allanngortitsineq

Nalinginnaasumik paasissutissiineq 

Annertuumik innarluuteqaruit inigisannilu najugaqaannarusullutit, inigisanni allanngortitsinermi ilaanni kommunimit ikiorserneqarsinnaavutit. Inissiamik allanngortitsinermut ikiorsiinerup siunertaa tassaavoq, inigisanni sapinngisamik sivisunerpaamik najugaqarsinnaanissat.

Assersuutigalugu makkuninnga ikiorserneqarnissamut qinnuteqarsinnaavutit:
• Issiavinnut kaassuartakkanut majorallaffiit immikkut ittut sanatinnissaannut
• Alloriusap peerneqarnissaanut
• Issiaviup kaassuartakkap matukkut naammagutilernissaanut matut silillinissaannut
• Uffarfimmik allanngortiterinissamut
• Nerrivinnik appartiterinissamut

 

Piumasaqaatit 

Inissiamik allanngortitsiniaraanni illit pisariaqartitannut naleqqussarlugu, taava illit:
• Inuit innarluutillit peqqussutaat naapertorlugu kiffartuunneqartuussaatit
• Inissiami nammineq inigisami najugaqartuussaatit

 

Qinnuteqarneq 

Inissiamik inigisannik allanngortitsinissamut ikiorserneqarnissaq qinnutiginiarukku, kommunemi sullissisut saaffigissavatit. Inissiamik inigisannik allanngortitsinissamut ikiorserneqarnissaq pillugu qinnuteqarnissamut periarfissanik sullissisup ikiorsinnaavaatit, aamma qinnuteqarnissamut ikiorsinnaavaatit kommunimut nassiussassannik imaluunniit tunniukkiartugassannik.

Qinnuteqarninnut uppernarsaat tunngavilersuutitalik ilanngullugu qinnuteqaat nassiutissavat.

Paasissutissat tunniussatit tunngavigalugit inissiamik inigisannik allanngortitsinissamut ikiorserneqarsinnaanersutit kommunimit naliliisoqarlunilu aalajangiisoqassaaq.

 

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iian@nanoq.gl
Nittartagaq: www.naalakkersuisut.gl