airplanebooksbriefcase business cogs cross election entertainment fish house law lockmedicalpeopleselfservices socialtax

Najugaqatigiiffiit

Nalinginnaasumik paasissutissiineq 

Najugaqatigiiffiit ataatsimut najugaqarfeqatigiittut ipput, tassanilu inuunermi sapinngisamik nalinginnaasumik misigititaanissat anguniarneqartuulluni. Ulluunerani tapersersortimik, tassa ulloq unnuarluunngitsoq, pisariaqartitsisaruit najugaqatigiiffimmi najugaqarnissamut neqeroorfigineqarsinnaavutit.

Najugaqatigiiffiit ataatsimut najugaqarfeqatigiittut ilinnut naleqqussagaapput illit:
• Ulluunerani tapersersorteqarlutit inuuneq atorsinnaagukku
• Inuit allat peqatigalugit inooqataasinnaaguit

Najugaqartut tamarmik nalinginnaasumik illup iluani anillunilu suliassat suleqatigiillutik suliarisarpaat, assersuutigalugu eqqiaaneq, pisiniarneq, nerisassiorneq aamma atisanik errorsineq.

Najugaqatigiiffinniittarpoq tapersersorti ataaseq imaluunniit tapersersortit arlallit sapinngisamik imminut ikiorsinnaanissannut perorsaanermut tunngasunik tapersersuinermigut ikiuuttussamik.

 

Piumasaqaatit 

Najugaqatigiiffimmi inissiamik kommunimit neqeroorfigineqarsinnaavutit illit:
• Inuit innarluutillit pillugit peqqussut malillugu kiffartuunneqaruit
• 18-ileereersimaguit
• Nammineq angerlarsimaffimmi nammineersinnaanngikkuit

 

Qinnuteqarneq 

Najugaqatigiiffimmi najugaqarnissamut qinnuteqarniaruit, sullissisunnut saaffiginnissuteqassaatit. Sullissisup qinnuteqaasiornissamut ikiorsinnaavaatit taannalu kommunimut nassiutissavat imaluunniit tunniutissavat.

Qinnuteqarninnut uppernarsaat tunngavilersuutitalik ilanngullugu qinnuteqaat nassiutissavat.

Paasissutissat tunniussatit tunngavigalugit najugaqatigiiffimmi inissamik pissarsisinnaanersutit kommunimi innersuussisartunit naliliisoqarlunilu aalajangiisoqassaaq.

 

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iian@nanoq.gl
Nittartagaq: www.naalakkersuisut.gl