airplanebooksbriefcase business cogs cross election entertainment fish house law lockmedicalpeopleselfservices socialtax

Inissiat innarluutilinnut naleqqussakkat

Nalinginnaasumik paasissutissiineq 

Inissiat innarluutilinnut naleqqussakkat najugaqartup innarluutaanut naleqqussarlugit iluarsaanneqarsimasuupput. Innarluutit assigiinngitsut inissiap immikkut iluarsaanneqarnissaanut piumasaqaammik kinguneqarsinnaavoq immaqalu anisarfiit ilanngullugit.

Assersuutigalugu issiaveqaruit kaassuartakkamik matullu silinnerusariaqarlutik taavalu tummeqqat atornagit kisiannili majorallaffik atortariaqarlugu.

Kommunit ilaanni immikkut ittunik inissialiortoqarsimavoq inunnut annertuumik innarluutilinnut naleqqussagaasunik. Kommuninili allani inigisat illit immikkut pisariaqartitatit naapertorlugit iluarsartuunneqarsinnaavoq.

 

Piumasaqaatit 

Inissiamik innarluutilimmut naleqqussakkamik qinnuteqarsinnaavutit imaattoqassappat illit:
• Inuit innarluutillit pillugit peqqussutaat naapertorlugu kiffartuunneqaruit
• Ilaannakortumik nammineersinnaaguit, kisiannili innarluuteqarnerit peqqutaalluni inissiami illit pisariaqartitatit naapertorlugit naleqqussarsimasumiittariaqarlutit

 

Qinnuteqarneq 

Inissiamik innarluutilinnut naleqqussakkamik qinnuteqarniaruit, sullissisunnut saaffiginnissaatit. Inissiamik innarluutilinnut naleqqussakkamik ineqalernissamut periarfissat misissornissaannut sullissisup ikiussavaaatit, aamma qinnuteqaasiornissamut ikiorsinnaavaatit kommunimut nassiussassannik imaluunniit tunniussassannik.

Qinnuteqarninnut uppernarsaat tunngavilersuutitalik ilanngullugu qinnuteqaat nassiutissavat.

Paasissutissat tunniussatit tunngavigalugit inissiamik innarluutilinnut naleqqussakkamik pissarsisinnaanersutit kommunimit naliliisoqarlunilu aalajangiisoqassaaq.

 

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iian@nanoq.gl
Nittartagaq: www.naalakkersuisut.gl