airplanebooksbriefcase business cogs cross election entertainment fish house law lockmedicalpeopleselfservices socialtax

Tapersersortit

Nalinginnaasumik paasissutissiineq 

Illit timikkut inooqataanikkullu ineriartorninni tapersersortip tapersersugarissallutit suliassarivaa. Tamanna ima paasisassaavoq, ulluinnarni suliassanut tunngatillugu paasinartumik tapersersuinermigut ikiussavaatit imaluunniit illit nammineerlutit suliarinissaannut aqqutissiuutissavaatit.

Tapersortitut sulisoq sapinngisamik isumaginninnermut perorsaasutut ilinniagaqarsimassaaq imaluunniit isumaginninnermut perorsaasutut misilittagaqarsimassaaq. Tapersersortaasussamik taama ittumik pissarsinissaq ajornakusoorpat, tapersersortitut suliassap suliarinissaanut inummik tapersersortitut suliaqarnermik ilitsersuunneqareersimasumit isumagitinneqassaaq.

Tapersersorteqartitaasinnaavutit nammineerlutit inigisami najugaqaruit, najugaqatigiiffimmi najugaqaruit imaluunniit nakkutigisaasumi najugaqarfimmi najugaqaruit, kisianni ulloq unnuarlu angerlarsimaffimmi najugaqaruit tamanna ajornarpoq.

Tapersersortit kommunimi sulisuupput.

 

Qinnuteqarneq 

Tapersersorteqartarnissamut qinnuteqarniaruit, sullissisunnut saaffiginnissuteqassaatit. Tapersersorteqarsinnaanersutit sullissisup misissuilluni ikiussaavaatit, aamma qinnuteqaasiornissamut kommunimut nassiussassannut imaluunniit tunniussassannut ikiussavaatit.

Qinnuteqarninnut uppernarsaat tunngavilersuutitalik ilanngullugu qinnuteqaat nassiutissavat.

Paasissutissat tunniussatit tunngavigalugit tapersersorteqartinneqarsinnaanersutit aamma tiimit qanoq amerlatigisut tapersersoteqartoqassanersoq kommunimit naliliisoqarlunilu aalajangiisoqassaaq.

 

Iliuusissatut pilersaarut 

Iliuusissatut pilersaarummik tapersersorteqarnissamut anguniagalimmik piffissalersugalimmillu nassuiaatitaqartumik suliaqarnissaq pissusissamisoorpoq. Tamanna pisinnaavoq illit, sullissisuit, ajornanngippat suliamik paasisimasaqartup aamma tapersersortivit akornanni.

Iliuusissatut pilersaarut ataavartumik iluarsineqartassaaq, taamaalilluni illit pisariaqartitannut naleqqussagaassaaq.

 

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iian@nanoq.gl
Nittartagaq: www.naalakkersuisut.gl