Annertuumik innarluuteqarneq – Inissiamik allanngortitsineq

Annertuumik innarluuteqarneq – Inissiamik allanngortitsineq 

Inunnut annertuumik innarluutilinnut ulluinnarni suliassat mikisualuit suliarissallugit ajornarluinnangajassinnaavoq. Assersuutigalugu perusuersartarfiliarneq aamma angerlarsimaffimmi angalasinnaaneq unammilligassaasinnaapput piuminaalluinnartut. Tamatuma kingunerisaanik innarluutillit inissiami najugaqaannarumallutik inissiaminnik allannguinissartik atorfissaqartissinnaavaat.

Annertuumik innarluuteqaruit inissiamilu najukkanni najugaqaannarumallutit, pisut ilaanni inissiavit allanngortinnissaanut kommune ikiuussinnaavoq. Inissiavit allanngortinneranut ikiuunnermi siunertaavoq, illit angerlarsimaffinni sapinngisamik sivisunerpaamik najugaqaannarnissannut periarfississallutit.

Ikiorserneqarnissamik qinnuteqarsinnaavutit assersuutigalugu:

  • Issiavimmut kaassuartakkamut atugassamik qummukariamik sananeq
  • Matut alloriusaannik piiaaneq
  • Issiavik kaassuartagaq ingerlasinnaaqqullugu matut ammarnginik alliineq
  • Uffartarfimmik allanngortiterineq
  • Nerrivinnik appartitsineq


Piumasaqaatit
Inissiat pisariaqartitannut naleqqunnerulersikkumallugu allannguiniaruit

  • Innarluutillit pillugit peqqussummut ilaassaatit
  • Nammineq inissianni najugaqassaatit
  • Najugaqaannaqqullutit inissiavit allanngortinneqarnissaa pisariaqarnersoq illit sulianik suliarinnittartuit nalilissavaa


Qinnuteqarneq
Inissiavit allanngortinneqarnissaanut ikiorneqanissamik qinnuteqarniaruit sulianik suliarinnittartunnut saaffiginnissaatit. Sulianik suliarinnittartoq

  • inissiamik allannguinissamut ikiorneqarnissamut periarfissat misissorneranni ikiuussinnaavoq
  • aamma qinnuteqaatip suliarinerani ikiuussinnaalluni


Qinnuteqaat kommunimut nassiulluguluunniit tunniussinnaavat.

Qinnuteqaammut ilanngutissavatit:

  • Nakorsap oqaaseqataata nuutinnera
  • Paasissutissaasinnaasut allat, allannguinernik sunik pisariaqartitsinersutit takussusiisussat


Paasissutissat taakku tunngavigalugit inissiavit allanngortiternissaanut ikiorserneqassanersutit kommunip nalilersuinermik ataatsimiititaliaa naliliillunilu aalajangiissaaq.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl