Annertuumik innarluuteqarneq – Oqilisaanneqarneq

Annertuumik innarluuteqarneq – Oqilisaanneqarneq 

Inunnut annertuumik innarluutilinnut ulluinnarni suliassat mikisualuit suliarissallugit ajornarluinnangajassinnaavoq. Taamaammat ilaquttaniit immikkuullarissumik annertuumik isumassorneqarlunilu paaqqutarineqarnissaq taakku atorfissaqartissinnaasarpaat. Tamannali ilaqutaasunut sakkortusinnaasarpoq. Taamaammat innarluutillip angajoqqaavisa aamma inooqataata ilaannikkut oqilisaanneqarnissaq pisariaqartissinnaasarpaat.

Oqilisaanneqarneq ima isumaqarpoq, inuk innarluuteqartoq piffissami sivikinnerusumi sivisunerusumiluunniit angerlarsimaffiup avataani paarineqartoq. Taamaaliornikkut innarluutillip ilaqutai paaqqutarinninnermik sulinermiit qasuersaartinneqartarput.

Oqilisaassineq tassaasinnaavoq

  • ataasiartumik pisoq
  • imaluunniit aalajangersimasumik aaqqissuussinerusinnaavoq, taamaalilluni assersuutigalugu innarluutilik sapaatit akunnerisa naaneri allortarlugit angerlarsimaffiup avataani paarineqartarluni
  • ilaqutariit oqilisaassisartut namminneerlutik angerlarsimaffianniinneq
  • imaluunniit ulloq unnuarlu paaqqinnittarfimmiinneq


Piumasaqaatit
Oqilisaanneqarnissamik illit qinnuteqarsinnaavutit imaluunniit ilissi qinnuteqarsinnaavusi

  • inuk innarluuteqartoq innarluutillit pillugit peqqussummut ilaappat
  • innarluutilik ulluinnarni illit paaqqutarigukku imaluunniit ilissi paaqqutarigussiuk
  • innarluutilik illit najugaqatigigukku imaluunniit ilissi najugaqatigigussiuk


Qinnuteqarneq
Oqilisaanneqarnissamik qinnuteqarniaruit imaluunniit qinnuteqarniarussi, innarluuteqartup sulianik suliarinnittartuanut saaffiginnissaasi. Sulianik suliarinnittartoq

  • oqilisaanneqarnissamut periarfissat misissorneranni ikiuussinnaavoq
  • aamma qinnuteqaatip suliarinerani ikiuussinnaalluni


Qinnuteqaatersi kommunimut nassiulluguluunniit tunniussinnaavarsi.

Qinnuteqaammut ilanngutissavasi:

  • nakorsap oqaaseqaataata nuutinnera
  • paasissutissaasinnaasut allat, oqilisaassinerup qanoq ittup pitsaanerpaaneranik takussusiisussat


Paasissutissat taakku tunngavigalugit kommunimi nalilersuinermik ataatsimiititaliaq naliliillunilu aalajangiissaaq

  • oqilisaanneqarnermik pissarsisinneqassanersusi
  • aamma oqilisaassineq qanoq sivisutigisumik pisassanerissi

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl