Annertuumik innarluuteqarneq – Nalinginnaasumik paasissutissiineq

Annertuumik innarluuteqarneq – Nalinginnaasumik paasissutissiineq 

Kinaluunniit inuttut annertuumik kinguneqartumik inuttut atukkatigut pisumik eqqugaasinnaavoq. Assersuutigalugu nappaataasinnaavoq suliffissaaleqinerulluniluunniit. Kinguneqaatit sakkortuutut nalilerneqarpata, innuttaasoq kinaluunniit pisortanit ikiorserneqarnissamut pisinnaatitaavoq. Ikiorsiineq qanoq ittoq pisinnaatitaaffiginerlugu, makkuninnga aallaaveqartussaavoq:

  • Inuttut atukkatigut pisumik eqqugaaneq
  • Kinguneqaatit qanoq annertutiginerat


Ikiorsiineq qanoq ittoq pisinnaanerit ingerlaavartumik sulianik suliarinnittartuit nalilertartussaavaa. Tamanna aamma annertuumik innarluuteqaruit atuuppoq.


Piumasaqaatit
Annertuumik innarluuteqarputit

  • timinnik atuisinnaanerit malunnaateqartumik appasippat
  • timikkut imaluunniit eqqarsartaatsikkut ataavartumik ajuuteqarneq innarluuteqarneq imaluunniit amigaateqarneq pissutaappat
  • inuttut atukkannut allanut atatillugu nalinginnaasumik ulluinnarni inuunissannut periarfissannut annertuumik killileeqataappat


Tassa imaappoq, timikkut imaluunniit eqqarsartaatsikkut innarluuteqassaatit – inunnguuseralugu imaluunniit piffissami kingusinnerusukkut pigilersimasamik – tulliuttut nassatarisaannik

  • inuttut pisariaqartitannik isumaginnissinnaanak, assersuutigalugu inuttut eqqiluisaarsinnaanak, atisalersorsinnaanak imaluunniit nerisinnaanak
  • illup iluani silamiluunniit nammineerlutit angalasinnaanak – assersuutigalugu pisiniarfiliarsinnaanak, inunnut allanut pulaarsinnaanak imaluunniit inuit akornanni sammisani peqataasinnaanak
  • inunnut allanut attaveqarsinnaanak


Ikiorsiissutit
Piumasaqaatit tamakkerlutik eqquutsinneqarnersut sulianik suliarinnittartuit nalilertussaavaa. Taamaattoqarsimappat, innarluutillit pillugit peqqussummut ilaavutit taamaammallu ikiorsiissutinik aalajangersimasunik tunineqarnissamut pisinnaatitaallutit. Tassaasinnaavoq:

  • Siunnersorneqarneq
  • Ilitsersorneqarneq
  • Tapersersorneqarneq
  • Paaqqutarineqarneq
  • Ikiorsiissutinik assigiinngitsunik tunineqarneq


Malugiuk
Innarluutillit pillugit peqqussut malillugu taamaallaat ikiorserneqarsinnaavutit

  • ajornartorsiutit innarluutinnut toqqaannartumik attuumassuteqartut aaqqiiviginiarnerannut
  • aamma inatsisit allat malillugit ikiorsiissutinik pisinnaanngikkuit


Piffissap ilaannaani nappaateqarneq patsisigalugu timinnik atuisinnaanerit apparsimappat, innarluutillit pillugit peqqussut malillugu ikiorserneqarsinnaanngilatit. Tassa ataavartumik annertuumik innarluuteqartuussaatit.

Naak annertuumik innarluuteqaraluarlutit, suli inatsisinut allanut tamanut ilaavutit. Tamanna ima isumaqarpoq, assersuutigalugu suliffissaqartitsiniarnermut atatillugu piareersimasussaavutit, innarluutivit tamanna ajornartinngippagu.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl