Annertuumik innarluuteqarneq – Inissiat innarluutilinnut naleqqussakkat

Annertuumik innarluuteqarneq – Inissiat innarluutilinnut naleqqussakkat 

Inunnut annertuumik innarluutilinnut ulluinnarni suliassat mikisualuit suliarissallugit ajornarluinnangajassinnaavoq. Assersuutigalugu perusuersartarfiliarneq aamma angerlarsimaffimmi angalasinnaaneq unammilligassaasinnaapput piuminaalluinnartut. Tamatuma kingunerisaanik inissiamik immikkut ittumik innarluutilinnut naleqqussakkamik innarluuteqartoq atorfissaqartitsisarpoq.

Inissiat innarluutilinnut naleqquttut ima ilusilersugaapput, innarluutilimmut najugaqartumut tulluarsagaasarlutik. Tassa innarluutigisat assigiinngitsut inip ilusilersorneranut immikkut ittunik piumasaqaatinik nassataqarsinnaapput immaqalu iserfissamut tunngasut ilanngullugit. Issiavimmik kaassuartakkamik atuisuuguit assersuutigalugu inissiaq angisuumik matoqarlunilu majuartarfinnut taarsiullugu majuariaqassaaq.

Inissiat innarluutilinnut naleqqussakkat pigineqarnissaat kommunip isumagisassaraa.

  • Kommunit ilaanni immikkut ittunik inissiaqarpoq, innarluutilinnut immikkut ittumik naleqqussarneqarsimasunik
  • Kommunini allani taarsiullugu inissiaq pigisat illit immikkut ittumik pisariaqartitannut naleqqussarneqartarpoq


Inissiaq innarluutilinnut naleqqussagaq, innarluutilimmut kisermaamut naleqqussarlugu ilusilersorneqarsimasinnaavoq aammali innarluutilimmut ilaqutalimmut naleqqussarneqarsinnaasarluni.


Piumasaqaatit
Inissiamik innarluutilimmut naleqqussakkamik tunineqarnissat qinnuteqaatigisinnaavat

  • innarluutillit pillugit peqqussummut ilaaguit
  • aamma ilaannakortumik imminut isumagisinnaaguit
  • kisianni innarluuteqarnerit pissutigalugu inissiamik pisariaqartitsivutit, illit pisariaqartitannut naleqquttumik


Qinnuteqarneq
Inissiamik innarluutilinnut naleqqussakkamik tunineqarnissat qinnuteqaatiginiarukku, sulianik suliarinnittartunnut saaffiginnissaatit. Sulianik suliarinnittartoq

  • inissiamik innarluutilinnut naleqqussakkamik pissarsinissamut periarfissat misissorneranni ikiuutissaaq
  • kiisalu qinnuteqaatip suliarinerani ikiortaasinnaavoq


Qinnuteqaat kommunimut nassiulluguluunniit tunniussinnaavat.

Qinnuteqaammut ilanngutissavatit:

  • Nakorsap oqaaseqaataata nuutinnera
  • Paasissutissaasinnaasut allat, ikiorsiinerup qanoq ittup naleqqunnerpaaneranik paasissutissiissussat


Paasissutissat taakku tunngavigalugit inissiamik innarluutilinnut naleqqussakkamik pissarsisinnaanersutit kommunimi nalilersuinermik ataatsimiititaliap nalilersorlugulu aalajangertussaavaa.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl