Annertuumik innarluuteqarneq – Nammineq angerlarsimaffimmi paaqqutarineqarneq

Annertuumik innarluuteqarneq – Nammineq angerlarsimaffimmi paaqqutarineqarneq 

Inunnut annertuumik innarluutilinnut ulluinnarni suliassat mikisualuit suliarissallugit ajornarluinnangajassinnaavoq. Assersuutigalugu perusuersartarfiliarneq aamma angerlarsimaffimmi angalasinnaaneq unammilligassaasinnaapput piuminaalluinnartut. Taamaattumik inuit annertuumik innarluutillit ilaquttaminnik, ulluinnarni paaqqutarinninnermik isumaginnittuusunik atorfissaqartitsisinnaasarput.


Akissarsiat
Ilaquttannik annertuumik innarluutilimmik ulluinnarni paaqqutarinnikkuit, kommunimiit akissarsiaqartinneqarsinnaavutit. SIK-p ilinniarsimanngitsunut akissiarsiaritittagaasa minnerpaat angeqqataat akissarsiaritinneqartarput.

Inuit akissarsiaqarnissamut periarfissaqartut ilaatigut tassaasinnaapput:

  • Angajoqqaat, taakku aappaa suliffeqarnaniluunniit meeqqamik paaqqutarinissaannut sivikillisamik sulisartoq. Illit meeqqavit paaqqutarineranut, taanna ulluunerani paaqqinnittarfimmi paarineqarnissaminut periarfissaqanngippat, taamaallaat akissarsiaqarsinnaavutit
  • Aappariit katissimasut, suliffeqanngitsut imaluunniit katissimasaminik paaqqutarinnikkumalluni sivikillisamik sulisartoq


Piumasaqaatit
Akissarsiaqarumaguit

  • Inuk paaqqutarisat nammineq angerlarsimaffimmini najugaqassaaq
  • Ulluinnarni paaqqutarinninninni piffissaq ima annertutigisoq atortariaqarpat, nalinginnaasumik suliffimmik isumaginnissinnaanak


Qinnuteqarneq
Akissarsiaqarnissamik qinnuteqarniaruit, innarluutillip sulianik suliarinnittartuanut saaffiginnissaatit. Sulianik suliarinnittartoq

  • Akissarsiat suut pissarsiarisinnaaneritit misissorneranni ikiuussinnaavoq
  • Aamma qinnuteqaatip suliarinerani ikiuussinnaalluni


Qinnuteqaatit kommunimut nassiulluguluunniit tunniussinnaavat.

Qinnuteqaatinnut ilanngutissavatit:

  • Innarluutillip nakorsaata oqaaseqaataata nuutinnera
  • Paasissutissaasinnaasut allat, akunnerit akissarsissutaasussat qanoq amerlatigisut pisariaqartinneqarnerannik ersersitsisut


Paasissutissat taakku tunngavigalugit, kommunimi nalilersuinermik ataatsimiititaliap nalilersorlugulu aalajangissavaa

  • Akissarsianik pisinnaanersutit
  • Aamma akunnerit qassit akissarsissutigisassaneritit

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl