Atornerluinermi katsorsaaneq

Nalinginnaasumik paasissutissiineq 

Atornerluisoq inuuvoq aanngajaarniutinik/aalakoornartunik atuisoq, atuineralu ima annertutigaluni eqqarsartaatsimigut timikkullu peqqissusia sunnerneqarluni, inunnullu attaveqaqatigiinnermi, inuillu akornanniissinnaassusianut aningaasatigullumi kingunerlutsitisinnaasumik atuisoq. Atornerluineq uerisoorneq assiginngilaa, taakkununngalu katsorsaaneq ingerlanneqartarluni.

Ukunani atornerluisuuguit imaluunniit uerisoorsimaguit, katsorsartissinnaavutit:
• Imigassaq
• Hash
• Aningaasanoorajunneq

Ikiorserneqarumallutit kommunimut nunaqarfiulluunniit allaffianut saaffiginnissinnaavutit.
Katsorsartinneq Nuummi najukkanniluunniit kommunimi ingerlanneqarsinnaavoq.

Piumasaqaatit 

Ikiorneqarsinnaavutit:
• Atornerluisuuguit, katsorsartikkusukkuillu
• Ilaquttanni/qanigisanni atornerluisoqarpat

Akigititat 

Katsorsartinnermi
Katsorsartinnissamut qinnuteqaatit misissorneqareerpat innersuunneqaruillu, katsorsartinnerit akeqassanngilaq. Nuummi katsorsartikkiartussaguit angalanissat najugaqarnissallu Allorfiup, Atornerluinermut Iliuuseqarasuarnermullu Paasisimasaqarfiup akilissavaa. Kommunimilu najukkanni katsorsartikkiartussaguit kommunivit akilissavaa.

Ilaqutariinni katsorsartinneq
Katsorsartittut tamarmik ilaquttatik/qanigisatik ilaqutariinni katsorsartissinnaavai. Ilaquttat/qanigisat ilaqutariinni katsorsartikkusuppata katsorsartinnerlu kommunivit avataanniippat, angalaneq najugaqarnerlu kommunip akiligassarai.

Katsorsartiffissanni inissaqanngippat, utaqqisut allattorsimaffiannut allatsillutit inissaqalernissavit tungaanut utaqqisinnaavutit.

Qinnuteqarneq 

Katsorsartissallutit alajangersimaguit:
• Kommunimi sullissisut saaffigissavat
• Sullissisut naliliinermi skema immersussavaa Allorfimmullu nassiullugu
• Sullissisuit aamma akuersinermi atsiugassaq atsioqqussavaa, taanna kommunit katsorsaasut peqqinnissaqarfillu katsorsartinnerit suleqatigiissutigisinnaanerannut akuersineruvoq
• Katsorsartereernerup kingorna atornerlueqqinnginneq attatiinnarniarlugu sullissisut suleqatigalugu pilersaarusiussaasi, kommunip iliuuserisinnaasaanik imalimmik

Ingerlatseriaaseq 

Allorfik aqqutigalugu qinnuteqaruit Allorfiup neqeroorummik ilinnut katsorsaassutigineqarsinnaasumik misissuissaaq. Nuummiusinnaavoq imaluunnit illit kommuninni. Aningaasanoorajunnermut katsorsaaneq Center for ludomani Odense-miittumi aamma ingerlanneqartarpoq.

Inissaqaleruit aggersarneqarumaarputit.

Ukiuni pingasuni tulliuttuni kommunini katsorsaavinnik pilersitsiortoqassaaq. Sulilu aallartitsinnagit Katsorsaavik Nuuk, katsorsaasut namminersortut, Center for Ludomani Odense-miittullu katsorsaaneq ingerlatissavaat.
Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Allorfik
Nalornissuteqassagaluaruit Allorfik attavigisinnaavat uunga:
E-mail: allorfik@allorfik.gl
Oqarasuaat: 525343

Eqqaamajuk attavigigutsigut paasissutissatit nalunaarutiginissaat.