Angajoqqaarsianngorit

Angajoqqaarsianngorniaraanni suut piumasaaqaataappat.

Meeqqamut allanngueqataagit! 

Angajoqqaarsianngorit/ ilaqutariinnut oqilisaassisartunngorniaruit pingaarluinnarpoq tamanna eqqarsaatigeqqissaarnissaa.

Amerlasuutigut meerarsiaq isumassorneqarnermikkut sumiginnagaasuusimasarpoq, taamaattumik amerlasuutigut nammineq meeqqaniit annertunerusumik paaqqutarineqarnissaminut pisariaqartitsisuusarluni.

Taamaattumik pisariaqarpoq 

  •  ilaqutariit meerartaannik ajornartorsiuteqartunik ikiuinissamut eqqarsartaatsikkut nukissaqarneq
  •  meerarsiarisavit ilinniitinnissaanut ineqarnikkut inissaqartitsineq
  •  peqqissuuneq atornerluinermillu ajornartorsiuteqannginneq
  •  meeqqat angajoqqaavisa pisortallu suleqatigilluarsinnaanissai

Piumasaqaatit taaneqartut naammassisinnaagussigit 

  •  kommunimut qinnuteqaammik nassiussineq  

Taava kommunip isumagissavaa meeraq ajunngitsumik paarineqarnissaanik qulakkeerinissamik siunertaqartumik misissuinissaq. Taamaattumik ilaqutarsianngortussat takutissinnaasariarpaat: 

  •  pillagaasimannginnermut allagartaq
  •  peqqissutsimut nakorsamit allagartoq qaammatinit pingasunit nutaannginnerunngitsoq 

Kingorna kommuni  inunnik isumaginninnermik nalunaarusiamik kommunalbestyrelsimut tunniussassamik sanassaaq. Qulaani eqqaaneqareersut saniatigut tassunga ilaapput: 

  •  oqaloqatigineqarnerit
  •  angerlarsimaffimmut pulaarnerit

Kommunalbestyrelsip akuersissutaa allanganngorlugu aatsaat pereerpat, meeraq meerarsianngortinneqassaaq/ilaqutariinnut oqilisaasussanut pisinnaavoq, meeqqalli angajoqqaarsiassamini atugassarisai peqqissusianullu isumannaatsuunissaa qulakkeerneqaqqaareepat.


Qeqqata Kommunia

Ilaqutariinnut immikkoortortaqarfik

+299 702100

qeqqata@qeqqata.gl