Aningaaserivimmut aamma pisortat nittartagaataannut NemID ataasiusoq

Aningaaserivimmut aamma pisortat nittartagaataannut NemID ataasiusoq 

  • Qeqqata Kommunia

    Qeqqata Kommuniani NemID utaqqiisaasumillu NemID-mut isissutissaq ukunani inniminnersinnaavat
    • Sisimiut
    • Maniitsoq
    • Kangerlussuaq
NemID-nik marlunnik amerlanerusunilluunniit peqalersimaguit – ataaseq illit netbank-innut aamma ataaseq pisortat qarasaasiatigoortumik atsiorfissiaannut – taava taakku NemID-mut ataatsimut ataatsimoortinnissaat toqqarsinnaavat. Taamaalillutit netbank-imut aamma pisortat nittartagaannut matuersaat isissutissaq ataasiinnaq atorlugu isersinnaalissaatit.

Imaluunniit illit netbank-innut NemID-it imaluunniit illit pisortat nittartagaannut NemID-it atuinnassallugit toqqarsinnaavat.

Pisortat nittartagaannut NemID
Pisortat nittartagaanni illit NemID-innik atuinerit ingerlatiinnarniarukku, illit aningaaseriviit attaveqarfigissavat, taassuma illit aningaaserivimmut isumaqatigiissutinnut NemID taanna attuumassuteqartilissammagu. Tamatuma ilutigisaanik siusinnerusukkut netbank-innut NemID atornikuusat aamma matutissinnaavat.

Netbank-imut NemID
Netbank-imut illit NemID-it atuinnarniarukku, pisortat nittartagaannut illit NemID-innut uppernarsaatit matoqqaassavat. Taama iliussaatit ima, NemID-ip imminut sullissivianut iserlutit pisortat nittartagaannut illit NemID pigisat atorlugu, tassanilu uppernarsaatit toqqaaffigissavatit. Tassani illit uppernarsaatit pigisavit matunissaannut periarfissaqarputit.

Tamatuma kingorna netbank-imut illit NemID pigisat atorsinnaasunngortissavat. Taama iliussaatit ima, imminut sullissiffimmut isissaatit aammalu pisortat qarasaasiatigoortumik atsiorfissiaannut illit netbank-imut NemID pigisat ilanngunneqassasoq akueralugu.

Aamma illit najukkanni innuttaasunut sullissivik illilluunniit aningaaseriviit attaveqarfigisinnaavat, taanna ikiuussinnaammat. Eqqaamaannagassat tassaavoq kinaassutsimut uppernarsaat atorsinnaasoq takutissagakku.

Kinaassutsimut uppernarsaatit atorsinnaasut pillugit allassimaffik

Aningaaserivimmut aamma pisortat nittartagaataannut NemID ataasiusoq
Illit aningaaserivinniit NemID-mik peqareersimaguit, pisortat nittartagaataannut soorlu sullissivik.gl-itut ittunut, NemID taannarpiaasoq atorlugu isersinnaavutit – taamaattoq NemID-mut OCES-imik uppernarsaammik ilaqartitsimaguit taamaaliorsinnaavutit. OCES naalisaaneruvoq uunga; Offentlige Certifikater til Elektronisk Service; qarasaasiatigoortumik sullissinernut pisortat uppernarsaataat. Taama ittoq pigissavat, illit netbank-innut NemID-mik pilersitsinerup nalaani ”OCES-imut piumasaqaatit angernerat” eqqaamasimagukku.

NemID-mik pisortat qarasaasiatigoortumik atsiorfissiaannik ilaqartumik peqanngikkuit, illit NemID-nnut pisortat qarasaasiatigoortumik atsiorfissiaat ilanngutsissinnaavat, periutsit marluk atorlugit:
  1. Toqqaannartumik attaveqaatit aqqutigalugit NemID-ip imminut sullissiffiani. Aningaaserivimmit illit NemID pigisannut nemid.nu aqqutigalugu OCES imatut attuumassuteqartilersinnaavat
  2. Illit najukkanni innuttaasunut sullissivimmut illilluunniit aningaaserivinnut takkunnikkut saaffiginnillutit. Saaffiginnikkuit kinaassutsimut uppernarsaammik atorsinnaasumik nassataqassaatit

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl