NemID-ip matuersaatitaa isissutissaq

NemID-ip matuersaatitaa isissutissaq  

Matuersaammi isissutissami NemID atorlugu iserniarnermut atugassanik ataasiartumik isissutissanik imaqarpoq. Ataasiartumik isissutissat taaneqartarput matuersaatit; taamaammallu taaguuteqarpoq matuersaat isissutissaq. Matuersaatit immikkut tamarmik normoqarput – matuersaatip normua. Matuma kingorna matuersaatit isissutissat tamakkerlutik immikkuullarissumik normoqarput matuersaammut isissutissamut atuuttumik. Isissutissaq akiliutitut angitigaaq, tassanilu matuersaatit naqiterneqarsimapput. Taanna inuup pigisassaraa illillu NemID-nnut taamaallaat tulluarsagaavoq, taamaammallu pingaartuuvoq taassuminnga paarsilluarnissat qularnaatsumullu inissiisarnissat, assersuutigalugu illit aningaasivinni pappiaqqat pingaarutillit akornanni.

Matuersaatit isissutissaq pigisat paarilluaruk
  • Matuersaat isissutissaq inuup pigisassaraa allallu nalusaannut toqqorneqarsimassalluni
  • Matuersaat isissutissaq illit isissutigisartakkannut allanut ilanngullugu toqqoqqanngisaannaruk
  • Matuersaammi isissutissamiittut isissutissat suli nungunngitsut isumamineersumik nutaamik matuersaammik isissutissamik nassiussarsissaatit
  • Matuersaat isissutissaq katassimagukku imaluunniit atornerlunneqartoq pasitsaakkukku, erngersumik taanna matusinnaavat

Matuersaat isissutissaq nutaaq imaluunniit sillimmatissaq
Matuersaat isissutissaq suli imaarutinngikkit, isumamineersumik nutaamik matuersaammik isissutissamik nassiussarsissaatit.

Matuersaammik isissutissamik sillimmasissannik inniminniiniaruit, assersuutigalugu piffissami sivisunerusumi angalasussaallutit, taama iliorsinnaavutit NemID-ip imminut sullissiffia aqqutigalugu. Matuersaatit isissutissat sillimmatit pingasut ataatsikkut inniminnersinnaavatit.

Matuersaatip isissutissap katannera imaluunniit matutinnera
Matuersaatit isissutissat katassimagukku imaluunniit matusariaqalersimagukku, imminut sullissiffimmut iseqqaanngikkaluarlutit nutaamik matuersaammik isissutissamik inniminniisinnaavutit.

Toqqaannartumik attaveqaatitigoortumik nemid.nu aqqutigalugu nutaamik matuersaammik isissutissamik inniminniisinnaavutit. Taamaallaat atorfissaqartippatit illit
  • atuisutut kinaassutsit
  • aamma isissutissat

Matuersaat isissutissaq pigisat, nutaamik inniminniiguit isumamineersumik matuneqassaaq.

Aningaaseriviit ilaanni matuersaammik isissutissamik pissarsisinnaaneq periarfissaavoq. Aningaaseriviit aperiuk tamanna periarfissaanersoq.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl