Umiarsuup ullorsiutai

Nalinginnaasumik paasissutissiineq 

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) pisortani oqartussaaffiuvoq naalakkersuinikkut aalajangikkanik maleruagassanik tunngaveqarluni aalisarnerup ingerlanneqartarnissaanik qularnaarinnittussaq. Aalisarnermik nakkutilliineq ilaatigut aalisarnermik nakkutilliinertigut ilaatigullu nalunaaruteqartarnikkut ingerlanneqartarpoq.

Nalunaaruteqarneq periutsit marluk atorlugit pisarpoq. Qanoq nalunaariaaseqassanerlutit angallativit qanoq angitigineranit aallaaveqartarpoq:
• Angallatit 30 fod/9,4 meter-init mikineruppat, tunisiffigisartakkannut pisarisatit pisavit nunamukaanneranni nalunaarutigissavatit
• Angallatit 30 fod/9,4 meter-init angineruppat, umiarsuup ullorsiutaanik peqassaatit. Umiarsuup ullorsiutai tunitsivimmut tunniunneqartassapput

Umiarsuup ullorsiutai pisarisavit nalunaarsorneranut uppernarsaataapput. Aalisariarnitit tamaasa umiarsuup ullorsiutaanut nalunaarsuisassaatit.

Umiarsuup ullorsiutai paasissutissanik pingaarutilinnik, aalisakkat assigiinngitsut aamma peqassuseq pillugit imaqartarmata, taakku aalisakkat ataasiakkaat aamma pisassiissutit pillugit Naalakkersuisunut aalisarneq pillugu siunnersuinermi Pinngortitaleriffimmit atorneqartarput.

Umiarsuup ullorsiutai immersukkatit nammineq pigisussaavatit aalisartunullu allanut takutinneqartussaanatik.

Umiarsuup ullorsiutaanik immersuineq 

Tulatsinnak imaluunniit tunitsivigisartakkat tikitsinnagu umiarsuup ullorsiutai illit immersorlugillu ataatigut atsiussavatit. Ulloq tunisiffigisat aamma pisavit amerlassusiat, aatsaat tunisinerit naammassereerpat immersussavatit.

Tunisiguit, tunisiffigisavit umiarsuup ullorsiutai pigisatit naqissusissavaa. Umiarsuup ullorsiutaasa quppernerat ataaseq assinga tigummiinnassavat, tunisiffigisavillu umiarsuup ullorsiutaasa sinneri KANUAANA-mut nassiutissavaat. Umiarsuup ullorsiutaani immersugassami pigisanni kukkuguit, nutaamik immersuissaatit, eqqaamassavalli immersugaq kukkuneqarsimasoq aamma tunniunneqarsinnaammat.

Umiarsuup ullorsiutaani immersugassap pissarsiarinerata peqatigisaanik immersuinermut ilitsersuut pissarsiarissavat. Umiarsuup ullorsiutaani immersugassat assigiinngitsuupput, taamaammat eqqaamagiuk aalisakkat sorliit aalisarnerlugit nalunaarutigissagakku.

Umiarsuup ullorsiutaanik immersuiffissamik pissarsiniaruit, taava Kalaallit Nunaanni Aalisarsinnaanermut Akuersissutinik Nakkutilliisoqarfimmut (KANUAANA) saaffiginnissaatit. Sumiiffimmi tunitsivigisartakkannut aamma saaffiginnissinnaavutit.

Ilitsersuutit aasinnaavatit:

Avataasiorluni kinguppanniarnermut umiarsuup ullorsiutaata immersornissaanut ilitsersuut (Immikkoortoq 12 A)

Ningittagarsorluni aalisarnermut umiarsuup ullorsiutaata immersornissaanut ilitsersuut (Immikkoortoq 12 B)

Kilisaammik aamma qalorsuarnik aalisarnermut umiarsuup ullorsiutaata immersornissaanut ilitsersuut (Immikkoortoq 12 C)

Kilisaammik aamma qalorsuarnik aalisarnermut umiarsuup ullorsiutaata immersornissaanut ilitsersuut – kissavaasarniarneq (Immikkoortoq 12 D)

Sinerissamut qanittumi kinguppanniarnermut umiarsuup ullorsiutaata immersornissaanut ilitsersuut (Immikkoortoq 12 E)

Sinerissamut qanittumi aalisarnermi atortut uninngasut atorlugit aalisarnermut umiarsuup ullorsiutaata immersornissaanut ilitsersuut (Immikkoortoq 12 F)

Naatsorsueqqinnermi pissutsit - danskisut kisimi allassimavoq

Allaaserisat attuumassutillit

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl