Maniitsumi unnukkut atuartitsisarneq

Qeqqata Kommuniata unnukkut atuartitsineq soqutiginarluartoq neqeroorutigivaa, assigiinngitsorpassuarnik sammisaqarfiusartoq.

Unnukkut atuartitsineq suugami 

Unnukkut atuartitsinermi inersimasunut sammisassat pineqartarput, tamatumani kommunemi inersimasut tamarmik arlaatigut pisinnaasaminnik misiliinissaat periarfissinniarlugu, atuakkatigut pisinnaasaat annertusarsinnaaqqullugu imaluunniit allat peqatigalugit ilungersuuterujussuanngikkaluarlugu eqqissilluni timigissarnissamut periarfissaqartitsiniarluni.

Unnukkut atuartitsineq nuannersumik ingerlanneqartarpoq, tamatumani eqqissilluni nutaanik ilinniagaqarnissaq inunnillu naapitaqarnissaq eqqarsaatigalugit.

Qaqugukkut 

Inersimasunut sunngiffimmi atuartitsineq 2012-mi oktobarip 15-iani aallartissaaq.

Atuarfik Kilaaseeraq telestanion-iusimasorlu atuartitsivigineqassapput.

Atuartitsissutinut peqataaffigerusutannut ornigullutik nalunaariartussaatit. Atuartitsissumut peqataaneq 100,00 koruuneqarpoq, akiuliutissarlu kingusinnerusukkut kommunimit nassiunneqarumaarpoq.

Nalunaarutigineqassaaq, assassornermut peqataaniat atortussaminnik namminneq nassartassammata.

Pikkorissarnissamik neqeroorutit 

Pikkorissarfissat amerlassusii sumullu sammineri ukiup ingerlanerini allanngorartuartarput, tamatumani pikkorissarniat qanoq amerlatigisut nalunaarsimanerat apeqqutaasarluni.



Massakkut piffissami pikkorissarfissat nalunaarsorneri una toorlugu takusinnaavatit .

Kikkut peqataasinnaappat 

Qeqqata Kommuniani innuttaasut tamarmik unnukkut atuartitsinermi peqataasinnaapput, tassa 19-inik ukioqalersimagunik.

Peqatigitillugu tunngaviusumik inersimasut tamarmik unnukkut atuartitsinissaminnut periarfissaqarput, tassa arlaatigut pisinnaasaqarfeqarunik, allanut ingerlateqqissinnaasaminnik, tamannalu unnukkut atuartitsinerup iluani ingerlatassaariinngippat.

Qeqqata Kommunia

Makkorsip aqq. 2

+299 70 21 00

Qeqqata@qeqqata.gl