Sumiiffimmi Naajanik taaneqartartumi 96 km2-isut annertussuseqartumi, Sisimiut aamma Kangerlussuup akornanni Qeqqata Kommuniani Qaqortorsuup eqqaani inissisimasumi aatsitassamik anorthositimik piiaanissamik qinnuteqaammik Hudson Greenland A/S 2015-imi marsimi tunniussivoq. Hudson Greenland A/S-ilu isumaqatigiissutaasut naapertorlugit Hudson inooqatigiinnermut kulturimullu kontomik pilersitsisussaavoq

QINNUTEQAAT UANI NASSAARISINNAAVAT

Kikkut qinnuteqarsinnaappat?

  • Piiaavimmi sulisunut ilaqutaasut
  • Qeqqata Kommuniani innuttaasut
  • Kommunimi timersornernut kulturimullu

    Pikialaartitsisut

    Sammisassanut isumassarsianik
    amigaateqarpit?
     

  • Sulisut ilaqutaannut:
    • Sulisut qanigisaasa piiaavimmut ilaqutariittut angalanissaannut
    • Ilaqutariit illoqarfimmioqatigiit/nunaqarfimmioqatigiit piiavimmilu sulisut avinngarusimanerinut ulluinnarni qanillisarneruniarlugit, qaammatikkaartumik/qaammatit pingasukkaarlugit naapisinneqartarnissaat
    • Piiaavimmi sulisut ilaqutaannut, piiaavimmi ingerlatsineq pillugu illoqarfinni/nunaqarfinni ilaqutaasunut unnussiuaaqatigiissitsineq/paasissutissiineq
    • Ilaqutaasut, piiaavimmilu sulisut eqqartugassatut pisariaqartitaat kissaatigisaalluunniit tusarniarneqarsinnaavoq
  • Qeqqata Kommuniani innuttaasunut:
    • Qaqortorsuarmi piiaavimmut innuttaasut qanoq atassuteqarusuppat? - Innuttaasut, innuttaasut suliniaqatigiit, peqatigiiffiit inuutissarsiutillillu? Innuttaasut piiaavimmillu ingerlatsinerup akornannut tunngatillugu aningaasaateqarfik qanoq atorluarneqarsinnaava imaluunniit qanoq ineriartortinneqarsinnaava?
    • Innuttaasut ataasiakkaat paasisassarsiorlutik angalanissaannut, qanoq, sunalu siunertaralugu?
    • Geologi pillugu ujaqqanillu saqqummersitsineq
  • Kommunimi timersornernut kulturimullu pikialaartitsinerit:
    • Timersornernut kulturimullu tunngatillugu aaqqissuussanut, soorlu timersornerup ulluanut, atuarfinnilu timersortitsinernut aningaasatigut tapiiffigineqarnissamik qinnuteqaatit,
    • Timersornerup iluani GM-ertitsinissanut, illoqarfinniluunniit unammiuaartitsinissanut aningaasatigut tapiiffigineqarnissamik qinnuteqaatit
    • Sungiusaatut, ilitsersuisunullu pikkorissaanerit
    • Nammineq kajumissutsimik suliniartartunut pikkorissarsitsisarnernik ineriartortitsinissaq
    • Kulturikkut ineriartortitsinissamik suliniutinut
    • Piiaavik akuutillugu kulturimut sammisumik aaqqissuussinermut festival-ertitsinermulluunniit; geologi inuiaqatigiillu

QINNUTEQAATIT KINGUSINNERPAAMIK 15. NOVEMBER 2018 TIGUNEQAREERSIMASSAPPUT

Annertunerusumik paasisaqarnissat pisariaqartippiuk?
Greenland Hudson A/S sunaava?

Aningaasaateqarfiit suut tunuliaqutigivaat?

Qanoq annertutigisumik tapiissuteqarsinnaappat?
Taakku allarpassuillu pillugit Naalakkersuisut.gl-imi aamma qeqqata.gl-imi Hudson-ip ujarneratigut paasissutissanik annertunerusunik pissarsisinnaavutit.