Kulturikkut aaqqissuussinernut tapiissutit – Nalinginnaasumik paasissutissiineq qinnuteqarnerlu

Kulturikkut aaqqissuussinernut tapiissutit – Nalinginnaasumik paasissutissiineq qinnuteqarnerlu 

  • Qeqqata Kommunia

    Qinnuteqaat ilanngussanik ilaqartoq nassiutissavarsi uunga:

    Sunngiffimmi pisortaq
    Postboks 1014
    3911 Sisimiut

    Qinnuteqaat aamma e-mail-ikkut nassiussinnaavarsi uunga fakl@qeqqata.gl.

    Malugiuk
    Kulturikkut aaqqissuussinermut tapiiffigineqartarneq pillugu annertunerusumik paasisaqarumagussi, kommune attaveqarfigissavarsi. Kina attaveqarfigissanerissi, sumi najugaqarnissinnit aallaaveqassaaq:
    • Sisimiuni eqqaaniluunniit najugaqarussi, oqarasuaammut sianersinnaavusi uunga 86 74 00. E-mail-ikkut aamma nassiussisinnaavusi uunga fakl@qeqqata.gl
    • Maniitsumi eqqaaniluunniit najugaqarussi, oqarasuaammut sianersinnaavusi uunga 81 78 61. E-mail-ikkut aamma nassiussisinnaavusi uunga aakr@qeqqata.gl

Kulturikkut aaqqissuussinernut atatillugu aningaasartuuterpassuusinnaapput. Kulturikkut suliniutit tapersersornissaat kommunit soqutigisarimmassuk, kulturikkut aaqqissuussinernik aaqqissuussinissamut tapiiffigineqarnissaq taamaammat kommuninut qinnuteqaatigineqarsinnaavoq. Kulturikkut aaqqissuussineq assersuutigalugu tassaasinnaavoq:

  • Isiginnaartitsineq
  • Qitinnermik takutitsineq
  • Nuannatsitsinerit assigiinngitsut
  • Unnuk kulturisiorfik


Kulturikkut aaqqissuussanut tapiissutit atorneqarsinnaapput assersuutigalugu makkununnga

  • Angalanernut aningaasartuutit
  • Najugaqarnermut aningaasartuutit
  • Ajunngitsorsiassat
  • Ininik atornermut akiliutit


Piumasaqaatit
Inuit ataasiakkaat aamma peqatigiiffiit, kulturikkut aaqqissuussinissamik kissaateqartut, tapiiffigineqarnissamik qinnuteqarsinnaapput. Kulturikkut aaqqissuussinermut tapiissutinik pissarsisinnaajumagaanni:

  • Aaqqissuussinerit innuttaasunut tamanut ammasuussapput
  • Aaqqissuussinerit naalakkersuinermut, upperisarsiornermut imaluunniit peqatigiiffilerinermi sulianut attuumassuteqassanngillat


Tapiissutit pissarsiarisimasasi tamakkerlugit atorsimanngikkussigit, aningaasat sinneruttut kommunimut utertittussaavasi. Tamatuma kingunerisaanik, allannguutit tapiissuteqarnermut sunniuteqartut paasissutissiissutiginissaannut pisussaatitaavusi.


Qinnuteqarneq
Kulturikkut aaqqissuussinissanut tapiissutinik ukioq kaajallallugu qinnuteqarsinnaavusi. Tapiissutinik qinnuteqarussi, ilanngullugit nassiutissavasi:

  • Qinnuteqaat allaganngugaq
  • Aaqqissuussinermut missingersuutit
  • Aaqqissuussinermi inuit kikkut samminiarneqarnersut pillugu nassuiaat


Aaqqissuussinissarsi kingusinnerpaamik qaammammik ataatsimik sioqqullugu, najukkassinni kultureqarnermut ingerlatsivimmut qinnuteqaat nassiutissavarsi.

Kommunimi suliamut ataatsimiititaliap tapiissutinik pissanersusi aamma pissarsissagussi qanoq annertutigisumik pisinnaassanersusi aalajangertarpaa. Kultureqarnermut ingerlatsiviup qinnuteqaatissinnik suliaqareeruni attaveqarfigissavaasi.

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl