Ukiumi qaangiuttumi timersullammattut nersornaasiineq – Nalinginnaasumik paasissutissiineq

Ukiumi qaangiuttumi timersullammattut nersornaasiineq – Nalinginnaasumik paasissutissiineq 

  • Qeqqata Kommunia

    Ukiumi qaangiuttumi timersullammammut nersornaat pillugu annertunerusumik paasisaqarumaguit imaluunniit nersornaasisisussamik inummik innersuussiniaruit, kommune attaveqarfigissavat. Kina attaveqarfigissanerit, sumi najugaqarninnit aallaaveqassaaq:
    • Sisimiuni eqqaaniluunniit najugaqaruit, sianersinnaavutit oqarasuaammut uunga 86 74 00. Qarasaasiakkut aamma e-mail-imik nassiussisinnaavutit uunga fakl@qeqqata.gl
    • Maniitsumi eqqaaniluunniit najugaqaruit, sianersinnaavutit oqarasuaammut uunga 81 78 61. Qarasaasiakkut aamma e-mail-imik nassiussisinnaavutit uunga aakr@qeqqata.gl

Kommunit timersoqatigiiffiit suleqatigalugit ukiut tamaasa, ukiumi qaangiuttumi timersullammattut nersornaasiinernik akissarsisitsisarput. Timersullammattut nersornaat inunnut, immikkut ittumik timersornerup iluani sunniuteqarluarsimasunut aamma pitsaasumik angusaqarsimasunut tunniunneqartarpoq. Nersornaat pitsaasumik timersornermik ingerlatsisimanermut nersorinninniutitut aamma meeqqat inuusuttullu timersornermik aallussilernissaannik siuarsaanertut tunniunneqartarpoq.

Kommunini tamani illoqarfiit tamarmik immikkut, timersortartunut nersornaatinik akissarsisitsisarput. Tamatuma kingunerisaanik illoqarfinni tamani nersornaammik akissarsisussamik toqqaasoqartarpoq.

Nersornaammik akissarsisinneqartup pissarsiarisarpai

  • pokal-i
  • allagartaq nersornaatisiaq
  • aamma pisut ilaanni aningaasat takussutissiisuusut


Piffissaq nersornaasiiffik, kommunimiit kommunimut allanngorartarpoq.


Ukiumi qaangiuttumi timersullammattut nersornaatisisussamik toqqaaneq
Timersortartut tamarmik tunngaviusumik isigalugu, ukiumi qaangiuttumi timersullammattut nersornaatisinissamut toqqagaasinnaapput. Nalinginnaasumilli timersoqatigiiffinni peqatigiiffinnilu assigiinngitsuni ilaasortat, toqqagaasarput nersornaatisisarlutillu.

Illoqarfinni timersoqatigiiffiit innuttaasullu ukiumi qaangiuttumi timersullammattut kina piukkunnerlugu najukkami ataatsimiititaliamut innersuussinnaavaat. Ataatsimiititaliaq nalinginnaasumik kommunip kultureqarnermut suliaqartuinik imaluunniit timersornermut siunnersortiinik aamma illoqarfimmi timersoqatigiiffinniit inuttaqartinneqartarpoq.


Malugiuk
Kalaallit Nunaanni Timersoqatigiiffiit Kattuffiat timersornermi nersornaammik allamik Kalaallit Nunaannut tamarmut atuuttumik akissarsisitsisarpoq.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl