Timersornermut tapiissutit – Nalinginnaasumik paasissutissiineq

Timersornermut tapiissutit – Nalinginnaasumik paasissutissiineq 

  • Qeqqata Kommunia

    Kalaallit Nunaanni pissartanngorniutivinnernut aamma unammisaqattaarnernut atatillugu timersortartut angalanerannut, timersortarfiit attartornerinut aamma sungiusaasut akissarsiassaannut tapiissutinik Qeqqata Kommuniani pissarsisinnaavusi:
    • Timersortartut angalanerinut tapiissutit meeqqanut inuusuttunullu 18-it inorlugit ukiulinnut billet-it akiisa 100 %-erisarpaat. Inersimasunut 18-it sinnerlugit ukiulinnut tapiissutit peqataasunut tamanut 30 %-iusarpoq
    • Timersuutinut tamanut qanorlu ukioqarneq apeqqutaatinnagu timersortarfiup attartorneranut tapiissutit 100 %-iusarpoq

    Malugiuk
    Timersornermi atugassiat silamiittut, assersuutigalugu arsaattarfiit aamma sisorartarfiit ingerlanneqarnerannut aserfallatsaalinerannullu kommune akiliisartuuvoq.
Timersoqatigiiffiit amerlasuunik aningaasartuuteqarsinnaasarput, assersuutigalugu timersortarfiit attartornerinut aamma angalanernut. Timersoqatigiiffiit ilaasa aningaasartuutit taama ittut matussusernissaat ajornartorsiutigisinnaasarpaat, tassami isertittagaat nalinginnaasumik pingaarnertut ilaasortat akiliutaannit pigajummata. Kommunit timersorneq tapersersorumasarmassuk, timersoqatigiiffittut tapiiffigineqarnissamik kommunimut qinnuteqarsinnaavusi.

Kommunit timersornermut tapiissutaat tunniunneqarsinnaapput:
  • Kalaallit Nunaanni pissartanngorniutivinnermi peqataanissamut atatillugu timersortartut angalanissaannut tapiissutitut
  • Timersortarfiit attartornerinut qaammatikkaartumik tapiissutitut
  • Ukiumoortumik sungiusaasunut tapiissutitut

Aningaasanik tunniussineq aamma aningaasaliineq
Kommunit ilaasa tapiissutit tunniuttarpaat aningaasartuutit ilissinnit suli akilerneqanngitsut.

Kommunini allani tapiissutit aningaasaliinertut tunniunneqartarput. Tamatuma kingunerisaanik aningaasartuutit nammineerlusi matussusertussaavasi, aamma aatsaat kommune tapiissutinik tunniussisarpoq siunertamut aningaasat atorsimagisi uppernarsisinnaagaangassiuk.


Malugiuk
Tapiissutinik qanoq ilillusi qinnuteqarsinnaanerlusi allaaserisat attuumassutillit ataanni annertunerusumik atuarsinnaavasi.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl