Kulturimut aamma timersornermut tapiissutit – Nalinginnaasumik paasissutissiineq

Kulturimut aamma timersornermut tapiissutit – Nalinginnaasumik paasissutissiineq 

Kulturimut aamma timersornermut tunngasunik peqatigiiffiit aaqqissuussisullu tapersersornissaannut siunertaqartumik kommunit Namminersorlutillu Oqartussat arlalinnik aningaasaliissuteqartarput tapiissuteqarnermilu aaqqissuussinernik peqarlutik. Tamatuma kingunerisaanik, peqatigiiffimmik imaluunniit aaqqissuussinernik ingerlatsinissamut kommunimut aamma Namminersorlutik Oqartussanut tapiiffigineqarnissamik qinnuteqarsinnaavutit.

Peqatigiiffik aaqqissuussarluunniit kultureqarnermut imaluunniit timersornermut tunngasutigut ingerlatsisuunersoq ilaannikkut aalajangeruminaassinnaasarpoq. Tapiissutinik qinnuteqarnikuuguit, peqatigiiffik imaluunniit aaqqissuussaq sinaakkusiussat eqqortut iluanni ingerlanneqarnersoq taamaalillunilu tapiissutinik pissarsisinnaanersutit kommunip imaluunniit Namminersorlutik Oqartussat naliliiffigalugulu aalajangertarpaat. Timersoqatigiiffiit aamma kulturikkut ingerlatsisumik peqatigiiffiit assersuutigalugu peqatigiiffiusinnaapput makkuninnga ingerlatsisut:
  • Eqqumiitsuliorneq
  • Nipilersorneq
  • Isiginnaartitsineq
  • Qitinneq
  • Film-iliorneq aamma tv
  • Atuakkiorneq
  • Timersorneq
  • Nalinginnaasumik kulturikkut aaqqissuussineq soorlu illoqarfimmi ingerlaaqatigiinneq

Taamatuttaaq kulturikkut aamma timersornikkut aaqqissuussinerit, assersuutigalugu aaqqissuussinerusinnaapput siuliini taaneqartut ilaannik imaqartut.

Aningaasaliissutit ataasiakkaat aamma tapiissuteqarnermi aaqqissuussinerit assigiinngitsorujussuupput. Assersuutigalugu makku assigiinngissutaasinnaapput:
  • Kikkut qinnuteqarsinnaanersut
  • Tapiissutinut sunut qinnuteqarsinnaanersutit
  • Tapiissutit qinnutigineqartut qanoq annertutigisinnaanersut
  • Tapiissutit qinnutigineqartut qanoq iliorluni aamma piffissap qanoq ilinerani pissarsiarineqarsinnaanersut
  • Aaqqissuussininnut piumasaqaatit suut eqquutsissaneritit
  • Suliarinninnermi piffissaq atorneqartoq
  • Piumasaqaatit allat

Malugiuk
Aaqqissuussanut aalajangersimasunut tapiissutinik pissarsisimaguit, siunertamut aningaasat atorneqarsimanerannut uppernarsaatitut naatsorsuutinik suliaqassaatit.

Piffissaalluarallartillugu qinnuteqassaatit, tassami qinnuteqaativit suliarinera sivisoratarsinnaammat.

Aningaasaliissutit ataasiakkaat allaaserisani attuumassuteqartuni annertunerusumik atuarsinnaavatit.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl