Maniitsup katersugaasivia

Maniitsup Katersugaasivia kulturikkut oqaluttuarisaanernut sumiiffimmi katersugaasiviuvoq, aamma eqqumiitsulianik katersanik arlaqartunik peqartoq. Sumiiffinni kultureqarneranut aamma meeqqanut inersimasunullu ingerlatitseqqiinernik Katersugaasivik qitiulluni ingerlatsisuuvoq. Katersugaasivik sammisassanik saqqummersitassanillu aaqqissuisuusarpoq, aammalu ornigassaalluni uumassuseqartoq pissanganartorlu, pulaartunik tikilluaqqusilluartoq.

Katersugaasiviup illutai 

Katersugaasivik Maniitsup iliveqarfitoqaani Iliveqarfitoqqap qooruani inissisimavoq nunasiaagallarnerup nalaaneersunik illunik eqqissisimatitanik sisamanik illutaqarluni. Illut siullermik illoqarfiup umiarsualiviani nappaqqaarneqarsimapput, maannakkut Pisiffiup inigisaani. 1970-ikkunni illut nutaanngitsut umiarsualiviup ineriartortinneqarneranik peerneqartariaqarsimapput taamaalillutillu Iliveqarfitoqqap qooruanut nuuttariaqarsimapput. Illut siusinnerusukkut saffiorfimmik, iffiorfimmik, nappajaqarfimmik, immiorfimmik niuertullu allaffianik imaqarnikuupput. Illu nutaannginnersaasoq illuuvoq illup iluani issusuunik sukalik, taagorneqartoq ”pandekagehus”, 1844-mi niuertup illorsuatut kingusinnerusukkullu assistentip illuatut napparneqartoq.

 

B-16, sumiiffimmi ”pandekagehuset”-tut ilisimaneqatoq ullumikkullu katersugaasiviup eqqumiitsulianik katersaanik imaqartoq. Ass.: Tea Dahl Christensen. 

Katersugaasiviup saqqummersitai 

Kulturikkut oqaluttuarisaanermut katersat assigiinngitsorujussuupput Maniitsullu kommuniata annertussusaanik ilisarititsisuulluni. Katersugaasiviup atisatoqqanik aamma Thule Kulturitoqqamik nutaanerusumik katersat misissuataassallugit pingaaruteqarpoq, soorlutaaq maniitsup oqaluffitoqaata pequtaanik katersat, katersugaasivimmi pulaartunut misigisassaapput immikkut ittut.

Katersugaasiviup aalajangersimasumik katersugaatai aamma eqqumiitsulianik kusanartunik imaqarput, tamatumani sumiiffimmi eqqumiitsuliortut sannavianniit aamma Maniitsumut attuumassuteqartut ilaatinneqarlutik. Katersugaasivik ilaatigut Gitz-Johansen suliaanik katersaateqarpoq kiisalu pingaartumik Angujârtorfiup Nunâ aallaavigalugu qanga ullutsinnilu aavartarneq pillugu ”Tuttut Nunaat” pillugu saqqummersitsineq. Matumani illoqarfimmiut ilisimsaat, ilisimatusarnermilu paasisat tunualiaqutaralugit saqqummersitsisoqarsinnaasimavoq.

Katersugaasivik nikerartunik immikkut saqqummersitaqartarpoq, katersugaasivimmi imaluunniit illoqarfiup oqaluffitoqaani kulturikkut illutut atorneqartumi saqqummersinneqartartunik. Ass.: Tea Dahl Christensen.
 

 

Paasissutissat amerlanerusut 

Katersugaasivik Illunnguani Iliveqarfitoqqap qooruani inissisimavoq. Illoqarfiup avannamut kangianiippoq, illoqarfiup qeqqaniit 5-10 minutsinik pisukkanni tikitassaalluni.

Katersugaasivik kioskeeraqarpoq, tassani postkortit, plakatit aamma sulianut atuakkat tuniniarneqarlutik.

Katersugaasivik Illunnguani Iliveqarfitoqqap qooruani inissisimavoq. Illoqarfiup avannamut kangianiippoq, illoqarfiup qeqqaniit 5-10 minutsinik pisukkanni tikitassaalluni.
Katersugaasivik kioskeeraqarpoq, tassani postkortit, plakatit aamma sulianut atuakkat tuniniarneqarlutik.

Maniitsup Katersugaasivia
Illunnguit 11
Boks 318
3912 Maniitsoq
Oqarasuaat: (+299) 81 31 00
Oqar. angallattagaq: (+299) 28 64 16
Email: manmuseum@qeqqata.gl 

Ammarsarfii aammalu isernermut akiliut 

Maniitsumi Katersugaasiviup ammarsarfii

Ukioq kaajallallugu

Marlunngornermiit – sisamanngornermut: nal. 11 –  16

Aasaaneranili aamma (Aprilimiit - septemberimut):

Arfininngorneq: nal. 13 – 16

Katersugaasivik nalliuttuni matoqqasarpoq, taamaattorli inuiattut ullorsiornermi nal. 12-imiit nal. 15-ip tungaanut ammasarluni.

Iserneq
Akeqanngilaq 
Eqimattat 15-init amerlaneruppata, inummut ataatsimut 30 koruuneqassaaq.

Atuartut meeqqerivimmiullu eqimattanngorlutik katersugaasiviup nalinginnaasumik ammarsarfiata saniatigut alakkaarusuttut saaffiginnissuteqarnissamut tikilluaqqusaapput.
Eqimattat allat akiliuteqarnikkut katersugaasiviup nalinginnaasumik ammarsarfiata saniatigut alakkaanissamut inniminniisinnaapput.

Nalinginnaasumik ammasarfiit saniatigut ammasarneq:
Nal. 11-p nal. 16-illu akornanni akunnermut 200,- kr.
Nal. 11 sioqqullugu nal. 16-illu kingorna kiisalu sap. ak. naanerani akunnermut 400,- kr.
Siumut inniminniisoqassaaq

Takornariartaassuarnut akisussaasoq tikittoqarnissaa sioqqutingaatsiarlugu saaffiginninnikkut piffissamik isumaqatigiissuteqassaaq.