Sisimiut aamma Kangerlussuup Katersugaasiviat

Sisimiuni Kangerlussuarmilu Katersugaasiviit immikkoorsimagaluarlutik ataatsimuulernikuupput. Katersugaasivik Sisimiuni aamma Kangerlussuarmi saqqummersitsisarput. Katersugaasiviup allaffeqarfia Sisimiuni inissisimavoq.

Sisimiuni immikkoortortaq  

Illoqarfiup nutaanngitsortaani Katersugaasivik  inissisimavoq. Illut nunasiaanerup nalaaneersuupput,  immikkut ittunik saqqummersitsivittut atorneqarlutik. Umiarsualiviup qulaatungaani arferup allerui ukiunik 100-nik pisoqaassusillit katersugaasivimmut isaarissatut alutornaqutaallutik inissisimapput. Sisimiut illoqarfiata oqaluttuassartaanik soqutiginartunik paasisassarsiorit:   2500 Kr.in.s  illoqarfiup inoqalerneraniit ineriartorneq suliffissuaqarnerlu. Sisimiut kulturikkut oqaluttuassartaanik soqutiginartunik, saqqummersitallu oqaluttuassartaanik katersugaasivimmi paasisassarsiorsinnaavutit.

Sisimiut Katersugaasivia qulingiluanik illuuteqarpoq,  taakkunani illut arfinillit saqqummersitsivittut atorneqarlutik. Illut amerlanerit 1700-kkut 1800-kkunneersuupput. Quersuakorsuarmut, Saffiorfikumut, illu issumik sanaaq, niuertup illorsuanut, pisiniarfitoqqamut aammalu  nappaqqitamut takuniaasinnaavutit.  Katersugaasivik palasip illorsuakuani allaffeqarpoq. Alakkarneqarsinnaasuttaaq ilagivaat katersugaasiviup nalaani Illu tungujortoq Berthelip Oqaluffia 1775-meersoq.

Saqqummersitat 

  • Qimmip allerua Kalaallit Nunaanni nassaaq siulleq 
  • lllu issumik sanaaq tupersuarlu ukiunik 100-nik pisoqaassusillit eqqumiitsuliortoq Gerth Lyberth-imit takussutissiat.
  • Illu issumik ujaqqanillu sanaaq ilusitoqaatut pisatsersugaq
  • Kalaallit Nunaanni illoqarfitoqqat innarligaannginnersaat

Ammasarfiit, Sisimiut 

15. juni – 30. september:

Ataasinngorneq: Nal. 09:00-16:00
Marlunngorneq, sisamanngorneq tallimanngorneq: Nal. 10:00 -16:00
Arfininngorneq, sapaat: Nal. 11:00 -16:00
Pingasunngorneq: Matoqqavoq

1. oktober – 14. juni:

Pingasunngorneq: Nal. 10:00 -16:00

Sapaat: nal. 11:00 -16:00

 

Iserneq, Sisimiut 

Inersimasunut: 30 kr.
Meeqqanut: 15 kr.
Eqimattakkuutaat 20-t sinnersimappata: inummut ataatsimut 25 kr.
Qeqqata Kommuniani najugalinnut iserneq akeqanngilaq. Ilinniarfeqarfinnut, ilinniakkamut atatillugu Katersugaasivimmut alakkaanermi iserneq akeqanngilaq.

Kangerlussuarmi immikkkoortortaq 

Kangerlussuup  katersugaasivia mittarfeqarfiup akiani amerikamiut sakkutooqarfiata  qullersaqarfigisimasaani inissisimavoq. Kangerlussuarmi sakkutooqarfitoqaq, mittarfik, ilisimatusarfiillu oqaluttuassartaanik pissanganartunik katersugaasivik saqqummersitsisarpoq. Katersugaasivik 1997-mi  atoqqaarfissiorneqarpoq.

Katersugaasiviup illutaata sananeqaqqaarnerani, angalasunut akunittarfittut atorneqaqqaaraluarpoq, 1990-ikkut aallartilaarneranni amerikarmiut qitiusumik qullersaqarfiatut “headquater” atulersinneqarluni, Kangerlussuup amerikamiunit qimanneqarnissaata tungaanut. Amerikamioqarnerata nalaani  pequtit  ilaat suli katersugaasivimmi pigineqarput. Sorsunnerup nillertup nalaani Kalaallit Nunaanni  radareqarfinnut pilersuinermut pingaarnertut atugassatut Amerikamiunit sananeqaqqaarpoq.  Taamanikkut  Kangerlussuaq  Sonderstrom Air Base-mik taaguuteqartinneqarpoq.

Grønlandsfly SAS-lu  pillugit katersugaasivik aamma immikkoortaqarpoq, taamaattumillu timmisartornermik soqutigisaqartunut katersugaasivik  takusassaqarluarluarpoq. Immikkoortumi Kangerlussuup eqqaani sermimik qillerinermut ilinniarsinnaallutillu silaannaap pissusaanik  misissuisinnaavutit.

Ammasarfiit, Kangerlussuaq 

1. juni – 15. september:

Sapaat –tallimanngorneq: 10-15

Arfininngorneq isumaqateqarnikkuinnaq.

Ukiup affaani matoqqagallarneq.

Iserneq, Kangerlussuaq 

Inertsimasumut: 60 kr.
Meeqqamut: 30 kr.
Eqimattakkuutaat 12-it sinnersimappat: inersimasumut ataatsimut  50 kr. meeqqamut 30 kr. 

Takornariartaatiniit alakkaasunut 30 kr.

Qeqqata Kommuniani aalajangersimasumik najugalinnut iserneq akeqanngilaq. Ilinniarfeqarfinnut ilinniakkamut atatillugu katersugaasivimmut alakkaanermi iserneq akeqanngilaq.

 

Attavissat 

Sisimiut & Kangerlussuaq Katersugaasiviit
Jukkorsuup aqq. 6
3911 Sisimiut

Postboks 308
Tlf: (+299) 86 25 50
Katersaugaasivimmi pisortaq  mobil (+299) 53 28 97

sismus@qeqqata.gl
www.museum.gl/sisimiut

Kangerlussuarmi alakkaaniaraanni saaffissaq:

World of Greenland (WOGAC)

info@wogac.com