Peqatigiiffiup illuutaata ingerlanneqarneranut tapiissutit – Nalinginnaasumik paasissutissiineq

Peqatigiiffiup illuutaata ingerlanneqarneranut tapiissutit – Nalinginnaasumik paasissutissiineq 

  • Qeqqata Kommunia

    Peqatigiiffissi ingerlatsinermut tapiissutinik pissarsisinnaanersoq aamma qanoq annertutigisunik pissarseratarsinnaanersusi paaserusukkussiuk, Qeqqata Kommuniani suliassamut ataatsimiititaliaq attavigissavarsi.
    • Sisimiuni eqqaaniluunniit najugaqarussi, uunga sianersinnaavusi 86 74 00. Aamma qarasaasiakkut e-mail-imik nassiussisinnaavusi uunga fakl@qeqqata.gl
    • Maniitsumi eqqaaniluunniit najugaqarussi, uunga sianersinnaavusi 81 78 61. Aamma qarasaasiakkut e-mail-imik nassiussisinnaavusi uunga: aakr@qeqqata.gl

Peqatigiiffiup illuutaa tassaavoq illu imaluunniit init, peqatigiiffiup inissisimaffigisaa. Tassaasinnaavoq peqatigiiffiup nammineerluni illuutaa imaluunniit illu inilluunniit peqatigiiffiup attartugaa.

Angissuseq isikkorisaalu aallaavigalugit, peqatigiiffiup illuutaata ingerlanneqarneranut atatillugu aningaasartuutit aalajangersimasut annertusinnaapput. Assersuutigalugu tassaasinnaapput ineqarnermut akiliutit kiisalu innaallagissamut, imermut kiassarnermullu aningaasartuutit. Ilutigisaanik peqatigiiffiup isertittagai killeqarsinnaapput, tamatuma kingunerisaanik aningaasartuutit aalajangersimasut akilerniarnerat ajornartorsiutaasinnaasarpoq. Taamaammat peqatigiiffiup illuutaata ingerlanneqarneranut tapiissutinik peqatigiiffiit kommunimut qinnuteqarsinnaapput.

Peqatigiiffittut nalinginnaasutut ingerlatsinermut tapiissutinik qinnuteqarsinnaavusi makkununnga:

  • Innaallagiaq, imeq aamma kiassarneq
  • Eqqiaaneq
  • Eqqagassalerineq
  • Nalinginnaasumik aserfallatsaaliineq


Taakku saniatigut kommunit ilaat ineqarnermut akiliuteqartarnermut ingerlatsinermut tapiissuteqartarput.


Malugiuk
Ingerlatsinermut tapiissutit qanoq iliorlusi qinnuteqaatigisinnaanerisi allaaserisat attuumassutillit ataanni annertunersumik atuarsinnaavarsi.

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl