Maniitsumi eqqumiitsuliortut sannaviat

Maniitsumi eqqumiitsuliortut sannaviat Teletoqqami Ajoqinnguup aqq. b-126-mi inissisimavoq.

Kikkunnut 

Sanaluttarfimmi nerriviit sulliviusinnaasut kikkunnit tamaniit atorneqarsinnaapput. Sanaluttarfimmik atuisoorusuttut matuersaammik sunngiffimmi pisortamut aallersinnaapput.

Ammasarfia 

Aaliangersimasumik ammasarfeqanngilaq matuersaatillillu aggiinnariaapput. 

Paasissutissat allat 

Sanaluttarfimmi kusanartuliat, pinnersaatit, saarngit, tuttup nassui, umimmaat nassui, aarrit tuugaavi, ukkusissaq, arferit soqqai pinnersaatisiallu suliarineqarsinnaapput.

Eqqumiitsuliortoq ilisimaneqarluartoq Parnuna Poulsen sanaluttarfik nakkutilliisuusarpoq, pisariaqarpallu sannatit qanoq atornissaanik ilitsersuisinnaalluni. Parnuna ulluunerani sanaluttarfimmiittarpoq.

Sannavik ukioq kaajallallugu ammasarpoq atuinerlu akeqanngilaq.