Timersorneq – Nalinginnaasumik paasissutissiineq

Timersorneq – Nalinginnaasumik paasissutissiineq 

  • Qeqqata Kommunia

    Qeqqata Kommuniani timersoqatigiiffiit suut piunersut annertunerusumik paasisaqarfigiumagukkit, kommune attaveqarfigissavat. Kina attaveqarfigissanerit sumi najugaqarninnit aallaaveqassaaq:
    • Sisimiuni eqqaaniluunniit najugaqaruit, oqarasuaammut sianissaatit uunga 86 74 00. E-mail-imik aamma nassiussisinnaavutit uunga fakl@qeqqata.gl
    • Maniitsumi eqqaaniluunniit najugaqaruit, oqarasuaammut sianissaatit uunga 81 78 61. E-mail-imik aamma nassiussisinnaavutit uunga aakr@qeqqata.gl

    Qeqqata Kommuniani timersortarfiit aamma attaveqarfigisinnaavatit:
    • Sisimiut timersortarfiat, oqarasuaat 86 43 00
    • Maniitsup timersortarfia, oqarasuaat 81 35 60 imaluunniit 52 11 15

Timersorneq Kalaallit Nunaanni sunngiffimmi sammisassat annersaraat. Timersornermik sammisassat nammineq piumassutsimik imaluunniit timersoqatigiiffiit aqqutigalugit aaqqissuussamik ingerlanneqarsinnaapput. Timersoqatigiiffiit timersornermi atugassianik attartortarput, assersuutigalugu timersortarfinnik, arsaattarfinnik aamma timigissartarfinnik, taakkunani timersuummik sammisaminnik sungiusarnernik, unamminernik aamma unammersuarnernik aaqqissuussisarput.

Tamatuma kingunerisaanik timersoqatigiiffimmi ilaasortatut:

  • Sungiusaasumit ilinniartinneqarnermik pisinnaavutit
  • Timersoqatigiiffiup aaqqissuussaani unammersuarnerni peqataasinnaavutit


Aasaanerani timersoqatigiiffiit arlallit aaqqissuuttarpaat assersuutigalugu isikkamik aamma assammik arsarnermik ilinniarfiit.

Kalaallit Nunaanni illoqarfinni assigiinngitsuni timersuutinilu assigiinngitsuni pissartanngorniunnerit ukiut tamaasa ingerlanneqartarput. Kalaallit Nunaanni pissartanngorniunnerit timersortartut kattuffiannut ilaasortaasunit timersoqatigiiffinnit assigiinngitsunit aaqqissuunneqartarput.

Allaaserisat attuumassutillit