Timersornermi atugassiat – Nalinginnaasumik paasissutissiineq attartornerlu

Timersornermi atugassiat – Nalinginnaasumik paasissutissiineq attartornerlu 

  • Qeqqata Kommunia

    Qeqqata Kommuniani timersornermi atugassiat suut pigineqarnersut annertunerusumik paasisaqarfigiumagukkit imaluunniit attartorniaruit, kommune attaveqarfigissavat. Kina attaveqarfigissanerit sumi najugaqarninnit aallaaveqassaaq:
    • Sisimiuni eqqaaniluunniit najugaqaruit, oqarasuaammut sianissaatit uunga 86 74 00. Qarasaasiakkut aamma e-mail-imik nassiussisinnaavutit uunga fakl@qeqqata.gl
    • Maniitsumi eqqaaniluunniit najugaqaruit, oqarasuaammut sianissaatit uunga 81 78 61. Qarasaasiakkut aamma e-mail-imik nassiussisinnaavutit uunga aakr@qeqqata.gl

    Malugiuk
    Timersoqatigiiffiit arsaattarfimmik atuinissamik kissaateqartut, kommunip sulianut ingerlatsivianut inissamik inniminniissapput. Sulianik ingerlatsiviup timersoqatigiiffiit suleqatigalugit upernaap ingerlanerani malitassatut takussutissiaq suliarisarpaa, tassani takuneqarsinnaassaaq timersoqatigiiffiit assigiinngitsut piffissap qanoq ilinerani arsaattarfimmik atuisussaanersut. Timersoqatigiiffinnit arsaattarfik atorneqanngikkaangat, kikkunnilluunniit atorneqarsinnaavoq.
Timersuutit amerlanerit, assersuutigalugu sulorarneq, assammik arsarneq aamma isikkamik arsarneq, timersornermi atugassiat immikkut ittut soorlu timersortarfiit aamma arsaattarfiit atorlugit aatsaat ingerlanneqarsinnaapput. Tamatuma kingunerisaanik timersoqatigiiffiit assigiinngitsut timersortarfinni imaluunniit arsaattarfinni sungiusarnissamut imaluunniit unammersuarnerit ingerlanneqarnissaannut piffissamik atugassinneqarnissamik inniminniisariaqartarput.


Timersortarfiit
Timersortarfiit suliffeqarfiupput imminnut pigisut imaluunniit kommunimit pigineqartut. Timersortarfiit ulluunerani ingerlatsiffinnit assigiinngitsunit assersuutigalugu atuarfinnit aamma utoqqaat peqatigiiffiinit atorneqartarput. Ingerlatsiffinnit taakkuninnga timersortarfiit atorneqanngikkaangata – nalinginnaasumik ualikkut, unnukkut aamma sapaatit akunnerisa naaneranni – timersortarfiit timersoqatigiiffinnit attartorneqarsinnaapput.

Timersornerup ukiuata aallartinnginnerani qaammammi juli-mi august-imiluunniit timersortarfimmi timersuutinik sammisassat aalajangersimasut pillugit malitassatut takussutissiamik kommunimi suliamut ataatsimiititaliaq timersortarfik suleqatigalugu suliaqartarpoq. Malitassatut takussutissiaq ukioq ataaseq atuuttarpoq, tassanilu takuneqarsinnaavoq timersoqatigiiffiit assigiinngitsut piffissap qanoq ilinerani timersortarfimmik attartortussaanersut.

Kulturikkut aaqqissuussanut annerusunut saqqummiunneqarsimasunut timersortarfik aamma atorneqartarpoq. Tassaasinnaapput:
  • Tusarnaartitsinerit
  • Isiginnaartitsinerit
  • Saqqummersitsinerit

Timersortarfik attartorumagukku assersuutigalugu tusarnaartitsinermut, timersortarfiup pisortaa saaffigissavat taassumalu qanoq iliussanersutit oqaluttuutissavaatit.


Arsartarfiit
Arsartarfiit kommuninit pigineqarput. Tamatuma kingunerisaanik:
  • Arsaattarfiit ingerlanneqarnerannut aserfallatsaalinerannullu kommune akisussaasuuvoq
  • Arsaattarfiit atornerat akeqanngilaq

Allaaserisat attuumassutillit