Sisimiuni sukuutsertarfik

Sisimiuni sukuutsertarfik suliniummik aqutsisumit Martin Kotol aallartisarneqarpoq, suliniut namminneq kajumissutsimik sulisoqarnissamik aallaaveqarpoq. Suliniutip siunertaraa, sukuutsertarnerup ishockey-tarnerullu inuiaqatigiinnit ilisimaarilerneqarnissaa kiisalu inuusuttunut inersimasunullu sunngiffimmi susassaqartitsinissamik nutaamik neqerooruteqarsinnaaneq.

  

Suliniut Qeqqata Kommuniata atuilluartuunissamut aningaasaateqarfianit tapiiffigineqartuuvoq. Sukuutsertarfiup aserfallatsaalinissaanut maskiinanik kiisalu illuaqqamik Center for Arktisk Teknologi, ARTEK atugassaqartitsisuuvoq. Sermip manissarnissaanut Aatsitassalerinermik Ilinniarfik ikiuuppoq. Atortuutit toqqortarinissaanut kiisalu maskiinat aserfallatsaalinissaannut KTI inissanik neqerooruteqarpoq.
Atortussanut kingullernut nassaarnissamut kiisalu suliniutip piujuaannartinnissaanut, nittartakkakkut pisiniarfiup Outdoorsman Greenland, silami atortunut sammisaqartut ikiuunnikuupput. Suliniummi nammineq kajumissutsiminnik suleqataasut Center for Arktisk Teknologiimi ilinniartuupput.

Sukuutsertarfik arfininngornikkut sapaatikkullu nal. 13:00-15:00 kiisalu 16:00-18:00 akornanni ammasarpoq
Facebook-imi annertunerusumik paasissutissaqarpoq: Skøjtebane Sisimiut