Sisimiuni nipilersornermi atuarfik

Sisimiuni Nipilersornermik Atuarfik 2006-imi aallartinneqarpoq taaguuteqarluni Serravik. Tamanna sioqqullugu illu immius-sisarfiup ”Ulo”-p pigisarinikuuaa, taannalu ukiorpaalussuarni Kalaallit Nunaanni immiussisarfittut siuttuugaluarluni.

Illup oqaluttuarsataa ima sunniuteqarpoq, atuarfik nipilersornerup tungaatigut pitsaalluinnartunik initaqarluni, tassa illup nipigissusia pitsaalluinnartuummat.

Serravik 

Atuarfiup pingaarnertut meeqqanut atuartunut nipilersornermik sungiusarnissaannik neqerooruteqarnissaq sammisassarivaa, piffissarlu alimasinnerusoq isigalugu anginiagaassalluni, taama ilinniartitsineq illoqarfimmi nipilersortartoqalernissaa.

Tamatuma saniatigut atuarfiup inuusuttunik inersimasunillu unnukkut nipilersornermik ilinniartitsineq sammisariavaa, taamatuttaarlu illu aamma NIPESI-mit sungiusartarfittut atorneqartarluni.

Ilinniartitsineq 

Meeqqanik atuartunik atuartitsineq ulluinnarni piffissami 14.00-imiit 17.00-imut ingerlanneqartarpoq, kiisalu atuartut kisimiillutik peqatigiikkaarlutilluunniit ilinniartinneqarsinnaallutik, nipilersoqatigiinnermillu pisinnaasaat naammaginarsigaangata sungiusarneqartarlutik.

Atuarfimmi qangatoortunik nipilersornermik nipilersoqatigiinnermillu kiisalu erinarsoqatigiinnermik ilinniartinneqartarput. Atuarfimmi ilinniartitsisut pikkorissuupput pisinnaasaqarfigilluarlugulu, attaveqarfigigukkillu ilinniarsinnaasavit aaqqissuunnerini ikiorsinnaavaatsit, tassa ilinnut meeq-qannulluunniit tulluarsarlugu.

Allaffiup ammasarfii 

Ataasinngorneq nal.  12.00 - 14.00

Marlunngorneq nal.   12.00 - 14.00

Sisamanngorneq nal. 12.00 - 14.00